French Fries_57258 🇪🇬
منذ يوم واحد
.
شعور مكسور القلب
السلام عليكم ورحمه الله وبركاته انا شاب بشتغل في مكان محترم الحمد لله ومغترب .. مرتبي كويس وسمعتي طيبة وبسأل ربنا دايما الستر قبل أي حاجة . في بنت معايا في محيط عملي وعلى مدار شهور شوفت منها أدب وأخلاق والتزام بالصلاه ولاحظت ردود فعلها المحترمة في مواقف حصلت قدامي مع زملاء شباب فزاد تقديري ليها ومبقاش مجرد إعجاب شكلي أنا ميال أخد خطوة صح تعارف محترم بنية واضحة ولو في قبول يكون بعلم الأهل ومن غير لعب ولا علاقات بس في نفس الوقت مش جاهز مية في المية بسبب ظروف عائلية وضغوط شايلها خصوصا مرض والدتي ربنا يشفيها كمان إخواتي شايفين إن الأفضل أرتبط ببنت معروفة من البلد وتكون قريبة وتشيل مسؤولية معايا وأنا مقدر رأيهم ومش رافضه بس حاسس إن قرار زي ده لازم يكون نابع مني سؤالي هل الصح آخد خطوة تعارف محترمة دلوقتي حتى لو الظروف مش كاملة مع العلم لو في توافق هاخد خطوة جاده وخلال فترة هكون جاهز ولا أأجل عشان ما أظلمش حد ولا نفسي وإزاي الواحد يوازن بين اللي قلبه ميال له ورأي أهله وظروفه الواقعية هل التعارف بنية حلال في حد ذاته غلط لو النية واضحة وإمتى التأجيل يكون قرار صح وإزاي نختار من غير ما نكسر خاطر أهلنا ولا نكسر نفسنا وأسأل الله الخير لمن يدلني على الخير ..❤️
7
5
