أنا اتعلّمت درس مهم في حياتي، اتعلّمت ما أحبّش حد ولا أفكّر في الجواز غير لما أكون جاهز بجد، مش جاهز بالكلام ولا بالمشاعر، جاهز بالمسؤولية. الجواز مش حب بس، ولا شوية كلام حلو، ولا شغف لحظة. الجواز رزق، وبيت، ومستوى معيشة يعيّش اللي معاك في ستر وكرامة. فلوس تكفي، وشقة تلم، وحياة تِتِعاش من غير ما أمد إيدي ولا أكسّر نفس حد معايا. أنا مش ضد الحب، بس ضد الحب اللي يسبق القدرة، وضد المشاعر اللي تِغرق صاحبها وتسيبه تايه ومكسور. واتعلّمت كمان إن الحب والعلاقات الغلط والكلام الفارغ اللي مالي الأبلكيشنات، والاستهبال اللي بيتلبس اسم “تعافي” أو “ToHeal”، كل ده وهم. قرب مؤقت، ومتعة لحظة، وبعدها فراغ أكبر. اللي بيدوّر على العفاف ما ينفعش يقرّب من سكك بتكسر عينه وقلبه. واللي عايز رضا ربنا ما يلعبش على الحافة ويقول “أنا مسيطر”. أنا قررت أبعد، أحافظ على نفسي، وأشتغل على نفسي، وأسيب اللي ربنا كاتبه ييجي في وقته. يمكن الوحدة صعبة، بس الحرام أصعب، والتعلّق الغلط أصعب من الاتنين.

4

1