زهقت منهم في الجامعة وبحس إني قليلة

Question

كان فيه حد معايا في الجامعة كنت فاكرة انه بيحبني بس كان عارف اني مش برتبط و مش بصاحب فارتبط ببنت تانية 
و أتغير خالص و بقا بعيد عن صحابه و دخل الجروب بتاع صاحبته و غير كل حاجة في لبسه و شخصيته عشان "يليق عليهم" 
ببقا ناسياهم بس لما اروح الكلية و ارجع أشوفهم بدايق اوي و مش هنكر بحس اني قليلة 
صحابه كل ما يشفوني ألاقيهم قاعدين يتهامسوا بطريقة سخيفة و حصل كام موقف طلعوا عارفين اسمي و كذا حاجة عني و أنا مليش علاقة بيهم 
حاسه اني اتحطيت في حتة وحشة اوي و انهم بيتكلموا عليا الله اعلم بيقولوا ايه 
و كل ما يشوفني يقعد يتمنظر بصاحبته ولازم يبين انهم مرتبطين 
زهقت منهم بصراحه نفسي يبقا مش فارق لي

Gift_63938 🇪🇬 · Accepted Answer

كلها مغريات لأبعادك عن دينك فلا تيأسي واستمري علي موقفك الصحيح.. وافتكري ان عمرك ما هتوصلي لرضا الناس مهما حاولتي ربي يثبتك ويثبتنا ♥️

Strawberry_88203 🇪🇬 · Answer

متبصيش عليهم خالص وتجاهليهم واثبتي علي موقفك انتي صح المهم ترضي ربنا وابعدي عن طريق الارتباط والاختلاط هما غلط ربنا يهديهم ويفوقو بدري 
شوفي صحبه صالحه ليكي واقضي وقتك معاهم اشغلك نفسك عنهم وادعي ربنا يثبتك

Pistachio_57557 🇪🇬 · Answer

زي ما اول كومنت قالك أنا بس هضيف أن الدنيا ديه حرفيا اختبارات ورا بعض تطلعي من واحد تدخلي في التاني خليكي ذكيه و استفيد من الاختبارات ديه متخليش الدنيا تضحك عليكي ، و اعملي كانك كده قاعده مستنيه الاختبار الي جاي و قولي لنفسك اكنك بتسعدي ليه انا رد فعلي باذن الله هيكون حاجه أنا انبسط بيها المره الي جايه

Apple_74953 🇪🇬 · Answer

موضوع تكبير الدماغ صعب بس دا الحل الوحيد

Apple_22069 🇪🇬 · Answer

تحت جزمتك لما تشوفيهم اعملي نفسك مش شيفاهم والله يا بنتي انا قعدت ٤ سنين في الجامعة بقرف من الولاد اللي فيها لدرجة ان قعدت سنتين مش بروح غير علي الامتحانات من كتر القرف اللي بشوفه في الجامعة عيال بجد ازاي هيبقوا إباء في المستقبل حاجة تقرف دا يبقي تحت جزمتك انت مش قليله هي اللي معاه اللي قللت من نفسها ومعني انه بيتمنظر بيها انه محروق انك رافضه ترتبطي بيه دا عيل يا بنتي والله تحت جزمتك بجد