صحبتي اللي المفروض بيست فريند مفرحتش لخطوبتي! أنا غلطت؟

Strawberry_57382 🇪🇬

منذ 12 ساعة

شعور محبط

طيب مش عارفة احكي ولا لا هنا صحبتي اللي هيا المفرو البيست فريند بقولها هتخطب تقولي انتي تكدبي وتقعد ٣ ايام تنقطني ف الرد وتقولي طب اسمه اي طب معرفش اي واي تلكيك حتى مقالتليش الف مبروك وجات الخكوبة متأخر ومنزلتلي استوري وتيجي تلومني بعدها اني محكيتش من الاول واني فاحئتها اني هتخطب منا اول م واقفت قولت مكنتش حابة احكي لما قعدت معاه لاني كنت فاكرة نفسي هرفض ع عكس ردة فعلها اضحابي التانيين فرحو جدا وباركولي ف بعتلها قوتلها هنفضها خالص وانا زهقت وانتي مش احسن مني عشان متفرحليش وانا افرحلك ف كل حاجة وانتي مقدرتنيش حتى الف مبروك مقولتيهاش تعملي معايا كدا ازاي دانا صحبتك القريبة اللي بتسأل عنك وف حياتك وبتحبك ازاي ولي مليون موقف موش من اعدادي بتعمله وبعديها بس دلوقتي كرامتى مش قادرة بعدت ولحد الوقتي مش مستوعبة عشةن لو استوعبت هتقهر ع صاحبة عمري بس حسيت بس ان دي مش مشكلة عادية ولا حاطة وهنتصالح دي نفوس بانت لانب مليون مرة خنافات اصعب واتصالحنا بس دي غير هيا مفرحتش زعلت بس وفكرت ف نفسها حسمت العلاقة ب كدا خلاص انا كدا غلطت ؟

صاحبتي زعلانة مني ومش عارفة أبدأ كلام!

جماعه محتاجه اعرف رأيكوا ضروري و اقترحوا عليا اعمل ايه صاحبتي طيبه جدا و جدعه جدا جدا و بقالنا سنين صحاب من ايام ثانوي شدينا مع بعض من سنه و نص بسبب حاجه تافهه اوي و انا و هي معاندين و محدش راضي يبدأ كلام كذا حد حاول يصلح بينا و هي رفضت علشان عايزاني انا اللي ابدأ و اصالحها وانا رافضه اصالحها علشان هي قموصه اوي و كذا مره تزعل مني علي حاجات تافهه وانا اللي اصالحها رغم اني بكون مش غلطانه وانا بطبعي مش شخص بيعرف يصالح بس كنت بصالحها هي عادي لو زعلانه حتي لو كنت مش غلطانه و في اخر خناقه انا و هي كنا غلطانين ف رفضت تصالحها و قولت تصالحني هي و لو لمره بس هي معملتش كده بس كانت مستنياني اصالحها و انا رفضت وانا مستنياها تصالحني و هي معملتش كده بقالنا كتير اوي و وحشتني جدا للاسف و عايزه اكلمها بس كرامتي بتمنعني المره دي خصوصا اني قولت لباقي صحابنا اني مش هبدأ كلام معاها و تبدأ هي بس وحشتني و عايزه اكلمها بس كرامتي مانعاني خصوصا علشان شكلي قدام باقي صحابنا ف اعمل ايه؟ و عرفت أن هي زعلانه علشان بقيت مش بكلمها و لا بسأل عليها رغم اني عملت كده علشان متخانقين ف اعمل ايه ؟ ...عرض المزيد

1 الدعم

4 نصيحة

صاحبتي ضايقتني في المدرسة ومش عارفة أخذ موقف

انهارده حصل معايا موقف في المدرسه ضايقني جدا ومش عارفه المفروض اخد موقف من صحبتي بسبب الموضوع دا ولا لا انا عمتا في ثانوي انا وصحبتي كنا ماشيين الصبح للمدرسه ف لما دخلت المدرسه لقيت واحده صحبتي المهم سلمت عليها وكدا حتى محضنتهاش ولا اي حاجه سلمت عليها بايدي وقولتها عامله ايه وكدا وبس وصحبتي اتضايقت عشان سلمت عليها و راحت مشيت من جنبي مع ان قعدت اشدها جنبي بس هيا مشيت المهم قولتلها ايه المشكله لما اسلم عليها السلام لله المهم الموضوع عدى واخدته بهزار وكدا وهي كمان بينتلي كدا بس معرفش اذا كان فعلا اخدته بهزار ولا لا المهم اليوم مشي تمام وكويس لحد اخر حصه كنا مطلعين التليفونات تحت الديسك وبنتصور المهم جات واحده هي لسه عارفاها من كام يوم حرفيا جات بتقولها بتتصورو ومطلعين التليفون بهزار يعني المهم لقيتهم بيحضنو بعض وبتاع قولت عادي مش مشكله بيسلمو على بعض بس بعدها لقيتها بتقولها تعالي انا معايا التليفون نروح التويلت نتصور هناك مافيش حد راحت صحبتي سابتني واحنا كنا بنتصور ورمتلي التليفون وسابتني ومشيت حتى مقالتليش تعالي معايا او حتى البنت التانيه سلمت عليا ولا رمت السلام اتضايقت طبعا عشان مبحبش اكون زي اللي اطرش في الزفه زي ما بيقولو قولت هحاول مبينش اني اتضايقت ومش لازم اعمل مشاكل المهم جيه بعديها التيتشر بتاع الانجليش عملت امتحان مفاجيء ومحدش كان مذاكر وكدا المهم دا كمل عليا واتضايقت وقعدت اعيط كتير لان الامتحان بيضاف من درجات اعمل السنه 15 درجه وتقريبا محلتش الا سؤالين او تلاته صح بعدها عملت نفسي متضايقه ممثلتش بس دا كان بجد هي راحت بتقولي في ايه قولتلها مافيش حاجه وسيبيني في حالي بعدها تاني مره مش فاكره قالتلي ايه روحت قولتلها وزعقت مالكيش دعوه بيا راحت قالتلي احسن انشالله تولعي واتفلقي وانا كنت بعيط اصلا والمشكله هيا عارفه والله مبحبش اكبر مواضيع بس بحس انها قاصده تضايقني زي ما هي مفكره اني بضايقها لكن والله انا مش قاصده كدا خالص او زي مثلا بتديني واحده بواحده فاهمين المهم بس مشيت ومكلمتهاش في اخر اليوم وكنا متفقين نخرج مكلمتهاش ولا هكلمها هي طبعا متعرفش اني متضايقه بسبب موضوع البنت اللي جات دي مفكره اني متضايقه بسبب الامتحان انا اه متضايقه اكيد بس مش اكتر من الموقف اللي حصل قبليه وسابتني ومشيت كدا من رأيكم اخد موقف كبير منها ولا اعدي عادي ولا اسكت ؟؟ ...عرض المزيد

1 الدعم

7 نصيحة

صاحبتي بتحرجني وتصرفاتها غريبة.. هتعامل معاها إزاي؟

ازيكم ي شوباب انا عندي مشكله مع صحبتي صحبتي دي اول سنه نمشي مع بعض لأن احنا مع بعض في نفس الكليه و القسم و احنا سنه أولي المهم أن هي تصرفاتها غريبه مش زي اي واحده صاحبتها قبل كدا بمعني أن هي غريبه اوي و تلقائيه و متفمرش في الكلام اللي هي بتقوله خالص اللي بيجي في دماغها بتقوله سواء صح او غلط و اللي مصايقني منها أن هي بتحرجني و بتحطني في مواقف محرجه يعني في مره كنا في المكتبه بشتري حاجات للكليه و انا بحب اشتري ادوات مكتبيه فمسكت استيكه راحت قالتلي قدام كل اللي موجود حسي علي دمك حرفيا انا اتضايقت اوي يعني لما هي بشتري حاجه مش بقولها حاجه بسببها براحتها يعني انا مليش دعوه و في مره قالتلي انتي بارده لما كنت بشتري حاجه من الكفاتريا و معتمده عليا في حاجات كتير لدرجه ان هي بتقولي انا معتمده عليكي في الطريق أن انا اعديها الطريق دا تمام عادي لكن مش لدرجه ان انا هبص قدامها و وراها عشان متتخبطش و عشان تعدي الناس اللي ورانا كمان في مره كنا بنتكلم فحكيتلها حاجه هي اللي خلتني اقولها جات في النص و قالتلي مبحبش اسمع مشاكل حد عشان خلقي بيضيق بصراحه احرجتني انا متكلمتش بمزاجي هي اللي قالتلي و بصراحه انا بقيت بتضايق منها صحابي في الثانوي كنا بتهزر مع بعض و نتكلم و نحكي مشاكلنا لبعض و نحلها لكن هيا لو قولتلها دماغي مصدعه حرفيا بتبصلي بصه من غير تعبير و بعدين تبص الناحيه التانيه و بخس نظرتها غريبه و ساعات تلاقيها برقت و ساعات اتكلم و هي ماشيه معايا تلاقيها مش مركزه معايا خالص و تبص ناحيه تانيه في واحده صاحبتي كنا متفقين نروح مكتبة كتب مع بعض بس هي عرفت لأن صاحبتي كانت عاملالي منشن علي فيس بوك و هي شافته راحت قالتلي المفروض انتي تروحي معايا مش معاها هي تروح مع بنت عمها إنما انتي صحبتي انا اتصدمت ساعتها و في نفس الوقت خوفت انا مش عارفه اتعامل معاها خالص غير فيه كمان مواقف كتير و مش عارفه اعمل ايه ...عرض المزيد

3 الدعم

5 نصيحة