عارف لما تتظلم وتتهان من المفروض يكونوا مصدر امان ليك؟ اهو ده بالظبط الي حصل مع امي ،ماما سعت كتير اوي في حياتها وتعبت لحد ما الحمد لله وصلت لحاجه كويسه ،امي ليها ٦ اخوات وامها موجوده بس ابوها اتوفى ،من الاول خالص اخواتها دول مكنش فيهم ريحة الطيبه والخير بالعكس كانت قلوبهم مليانه غل وحقد وبيكبر مع الوقت ،هما اتجوزوا قبلها كانت كل واحده فيهم نايمه في بيتها وامي بتسافر من محافظه لمحافظه بالقطر عشان شغلها وكانت بتدي مرتبها لابوها عشان تمشي البيت وسبحان الله هي الوحيده الي طلعت صالحه وقلبها ابيض كإنها نور بين ظلمات وابوها الله يرحمه كان بيحبها هي اكتر منهم عشان جواها ابيض مش زي الباقي ولما كان جدي يتعب كانوا بيقولولها "تعالي اقعدي معاه ده لما بيشوفك بيخف" رغم كده اخواتها بدل ما يقولولها الله يعينك كانوا بيعيروها انها متجوزتش ويقولوا ليها "يا الي قطر الجواز فاتك" وبعد ما اتعينت في وظيفتها بابا كان معاها في نفس الشركه واتقدملها واتجوزوا في محافظه بعيده عنهم الي هي كانت بتسافرلها بالقطر وسبحان الله اراد ربنا انه ييعدها عنهم لانه عالم بالي في قلوبهم ، واحده فيهم مانت مستقصده ماما وكانت بتحقد عليها وتحسدها على كل صغيره وكبيره وتقولها " ياريتني كنت بدالك في الوظيفه بتعتك دي" رغم انها ممرضه وكانت المستشفى الي بتشتغل فيها جنب بيتها لزق وبردو عشان هي فاشله وبتقبل رشاوي من الناس اترفدت و واحده تانيه مترنش على ماما الا في المصلحه ولو امي احتاجت مساعدتها في حاجه تعمل من بنها ومتردش و واحده شغاله في الاعمال والاسحار وفعلا عملت لماما عمل ورمته في الاوضه الي ماما بتنام فيها وغيرهم كتير ، امي استكتروا عليها كل حاجه حتى دول كانوا بيحاولوا يرفدوها من وظيفتها الي بتأكلنا بيها وبتصرف منها وطلعوا على ابويا كلام ميصحش يتقال ونشروا كل ده في كومنتات الشركه بس عشان ربنا عالم بحالها محصلهاش حاجه ومكنتها في الشركه متهزتش حتى ، ده غير التهديدات والشتايم ده حتى خاضوا في عرض بنت من بناتها ولما امي تيجي ترفع عليهم قضيه ترجع وتقول "حرام دول عندهم اطفال ذنبهم ايه؟" رغم انهم معملوش كده دول حتى مستكترين عليها ورثها في بيت ابوها وحاولوا اكتر من مره يضحكوا عليها في ورثها بس سبحان الله ربنا ادى لماما نور بصيره وكل مره يفشلوا في الي بيعملوه ولحد دلوقت الغيره والحقد والغل مالي قلوبهم .

1

2