مساء الخير... مُقدمًا انا عارفه ان اللي بقوله غلط و مش ببرر الغلط خالص والله ولا بنصح حد انه يعمل كدا عشان مخدش ذنب حد.... انا لوزة من سنتين عرفت ولد عن طريق لعبة ما و كنا في تيم و بقينا صحاب اوي و بقى يدخل يلعب معايا من غير ما يبعتلهم و الأمر تطور فيما بعد انه اعترفلي انه بيحبني و لحظات مكابره كتيره و انتهت بإني استلطفته و فضلنا مع بعض فترة مش طويلة لكن حبيته جدًا و دا طبيعي مع اول حب و عارفه ان الفكره اصلًا غلط و انتهي الأمر بإنه عرف بنت تانيه المفروض كانت صحبتنا من بعيد تاني يوم ما سيبنا بعض راح كلمها😆 و مش بعفي نفسي من الغلط و هطلع اقولكم اني مظلومة شوفوا عمل فيا ايه اوقات كتيره جدًا كنت بتعامل معاها بغباء و كبريائي زاد و مكنتش عارفه بعمل ايه وقت الخناقات و كنت اسمع كلام الناس الهبطانه ايهاهم بتوع الصمت العقابي و اكرفيله هيرجعلك زاحف و الكلام الفكسان دا حاليًا انا عارفه اني غلطانه و عارفه انه غلطان بس لما جيت اقارن الحاجات اللي عملتها و اللي هو عملها انا كذبت، انا كنت ببقى قليلة الذوق وقت الخناقات،هو خاني ،اسلوبه قاسي جدًا وقت الخناقات يمكن تقوله واحده بواحده و بصراحة كنت بستفزه بإبن عمي و هو حرفيًا اخويا فالرضاعة ....والله مش مستنيه لوم انا جلدت نفسي بما فيه الكفاية ، عارفه ان دي تصرفات مش ناضجه بالمره بس حرفيًا كانت أول مره فحياتي احب و اجرب شعور ان قلبي يبقى مرفرف مع حد على قد ما بزعل منه بزعل من نفسي اني كذبت عليه ، يمكن هو ضميره مش بيأنبه بس انا حرفيًا ضميري مموتني بقالي سنتين و صحابي مش هيتفهموا دا ...انتو صحابي و اكيد هتساعدوني لأخر مره بنبه والله انا اللي عملته غلط و عمري ما هعيده محدش يعمل زيي شكرًا .

0

4