معلش دا فضفضة عشوائية امتحانات الفاينل وحيدة بالجامعة كالعادة غيبت اغلب الترم مبقاش عندى طاقة لعلاقات مش بعرف اعمل زمالة مش فى المود اغلب الوقت بحس انى بمثل و بشوف اوقات فرحة بعض الناس تفاهة و دايما بركز على المفيد او المعنى الحقيقى و ببقى واقعية اوى و الصغائر مش بتفرحنى اوى لانى بشوف الحاجات الاهم طول ما هى مش كويسة يبقى تفاهة ان افرح بالصغائر دايما بشوف الاهم و الاولى و المضمون الحقيقى لو فرحت بالصغائر برضو بالنسبالى الفرحة هتكمل لما المضمون الحقيقى يبقى كويس او الاولويات الاهم تكون امورها كويسة لو فرحت بالصغائر بس هحس ان بضحك على نفسي عشان لو فرحت بيها مش ههتم بالاهم و الاولى و ممكن مأنجزش فيه اى حاجه و اجله و اضيع الايام فا الاحسن اكون واقعية بس دا بيظهر اوقات و بيبوظ علاقاتى بالناس و كمان مش بحب اقرب اوى منهم عشان هيعرفوا انى بمثل انى كويسة و مع الوقت هيبان ان عندى مشاكل فى حياتى اكتر و دا هيضيع علاقاتى اكتر فا بكتفى انها تكون سطحية لحد ما يجى اليوم اللى اكون فيه مستقرة فى حياتى الى حد ما و اللاقى اللى يتقبلنى بمشاكلى قبل مميزاتى و اكون انسانة ناجحة نجاح بارز اكتر من دلوقتي بس فترة الجامعة هتعدى خلاص و انا بودع كل حاجه من السنة اللى فاتت و اكتشفت انى كنت بحب الناس فى خيالى بس و بتعايش كأنى معاهم بفرح ليهم بس الواقع مش معاهم و بقيت عارفة طاقتى مش طول الوقت ايجابية معنديش حاجه ايجابية اقدمها لحد كنت طول الوقت واخدة اتيتيود المنقذة و الليدر بس اتكشف انى كدا عشان اصاحبهم بس افتكروا كمان انى مغرورة او شايفة نفسي و انا مش قد كدا عشان اتغر افتكرونى كدا و انا تعبت من السوء الفهم او الصورة اللى اخدوها غلط عنى و زهقت انى مش بحب عقليات الناس الصايعة او الفاشلة او كدا و كنت مش بصاحبهم و مع ذلك عشان بحط ميكب و لبست مرات ضيق افتكرونى زى العقليات دى و من بعدها بطلت دور الليدر مع اغلب الناس ما عدا ناس معدودة و بقيت بحتشم اكتر فى لبسى بس فى مرة اضطريت البس شارلستون عشان مكنش عندى طقم كويس وقتها فا حصل موقف بكلم واحدة بقولها تسال الدكتور قالتلى ما انتى جريئة اهو كلميه انتى و انا مش ناسية الموقف للاسف و انا زهقت سبب انى بحط ميكب ان بشرتى مش احسن حاجه و مش حابة اظهر بوشى فيه بقع و هالات سودا فا مش بحطه عشان ابهر حد بالنسبالى اظهر بشكل لائق بس حتى مرستش ايلاينر غير مرتين تلاتة و طول فترة الجامعة هو نفس الطريقة الوان هادية زهقت انهم يفتكرونى من العقليات اللى مش حباها و زهقت ان افكر فى اى حاجه

1

3