على قد ما في حاجات كتير مؤلمه بنعيشها بس في شعور و احاسيس كتير اوي حلوه بنعيشها في الدنيا زي الغيره الحلوه او جدعنه و شهامه صاحبك اللي مكنتش متخيلها او حنيه امك لمًا تشوفك مخنوق او بتعيط آنا بآمن دايما ان في وسط كل حاجه وحشه في حاجه حلو او كويسه في الموضوع زي مثلا موت شخص انت بتحبه اكيد حاجه صعبه جدا و حزينه بالذات لانك مش هتقدر تشوفه تاني بس الحلو او الكويس انه ممكن يبقى ارتاح من الم او تعب كبير انت مكنتش حاسس بيه او حتى درجه وحشه جبتها بس رسمتلك حياه مختلفه عمرك م اتخيلت انها تبقى حياتك في يوم ولاكنك ناجح جدا فيها على الرغم ان مش انت اللي مختارها وربنا اللي اختارهالك وممكن برضو تبقى خصاره ماديه شديده ولاكنها عرفتك مين باقي عليك عشانك انت ومين باقي عليك عشان شكلك وفلوسك ومصلحته معاك من الاخر في كل حاجه وحشه حصلتلك انت اتعلمت حاجه او فهمت حاجه زياده او بعدت عن شر كان هايحصلك ف فكر في كل حاجه حصلتلك وشوف اتعلمت ايه و عرفت ايه زياده مكنتش هتعرفه لو مكنتش مريت بالمشكله دي واخر حاجه وهي الرساله المهمه في كل الكلام دا هو انك اوعى تتمني الموت او تفكر انك تنهي حياتك مهما حصل علشان مهما عشت انت لسه في حاجات كتير اوي حلوه و وحشه انت معشتهاش ولازم تعيشها في شعور كتير حلو انت لازم تحسه زي الحب و الجواز و الخلفه و الاحفاد و النجاح و السفر و انك تسعد شخص انت بتحبه سواء اهلك او حبيبك او صاحبك … المهم ان في حاجات كتير انت لازم تعيش عشان تعملها…🤍

3

0