أنا عايز أعترف بحاجة بصراحة… اللي حصل جوايا الفترة دي مش صدفة، ومش كلام حماسي. أنا اتغيّرت بسبب كتاب واحد… "The Way of the Superior Man" – David Deida. الكتاب ده صحاني من غفلة كنت عايش فيها سنين. خلاني أبص لنفسي بصدق… أشوف ضعف كنت بخبيه، وهروب كنت ببرره، وتشتت كنت فاكره طبيعي. عارف… إني كنت ماشي من غير رسالة، من غير ثبات، ومن غير رجولة واعية. كنت بتصرف ساعات او أوقات، و بشويه حساسية بالهروب أوقات… وما كنتش فاهم يعني إيه يكون الراجل عنده عمود داخلي واقف عليه مهما حصل. لكن بعد الكتاب ده… ابتديت أكتشف معنى جديد للرجولة: إنك تكون حاضر، ثابت، صريح، مش بتهرب من مسؤولياتك ولا من مشاعرك… إنك تحب بقوة مش بضعف، وتواجه مشاعرك من غير ما تتعلق، وتحط رسالتك قبل أي علاقة تضيعك. مش مضطر اقعد او اتعامل مع ناس بتقل مني لمجرد انهم بيحبوني عارف… إني اتعلمت منه إن الراجل الحقيقي مش اللي صوته عالي أو كلامه جامد، الراجل الحقيقي هو اللي جواه قوة… قوة هادية، ثابتة، مش محتاجة تثبت نفسها لحد. الكتاب ده غيرني… خلاني أبص لنفسي بعين جديدة… وعلّمَني إن الطريق مش مثالي لكن مهم، وإن النضج قرار قبل ما يكون تجربة.

5

0