عارف إني كرهت معظم البنات. معظمهم بيعملوني اختيار… أو كيس لب… أو سيجارة… عارف إني تعبت من المقارنات اللي مالهاش أي معنى، ومن الاستفزازات اللي هدفها كسر نفسي. تعبت من إحساس إني دايمًا في امتحان أنا ما اخترتوش ولا طلبته. عارف إني اتوجعت لما اتحطيت في سباق مع حد تاني، كأني ناقص، وكأني لازم أثبت نفسي علشان أستحق الاحترام. اللي حصل كسر فيا حاجة، مش لأني ضعيف، لكن لأني كنت متوقع نُضج واحترام مش موجودين. عارف إني سكت كتير، وفهمت السكوت غلط، حسبته هدوء وطلع تنازل عن نفسي. وده غلطي… ومش هيتكرر. عارف إني مش أقل من حد، ومش في سباق مع حد. واللي يقلل مني علشان يحس بقيمته عمره ما يشوف قيمتي حتى لو بقيت جبل. عارف إني حبيت زميلتي في الشغل، مش عيب ولا جريمة، لأني بني آدم عندي قلب ومشاعر. بس أحيانًا بتمنى أكون روبوت، من غير إحساس، علشان ما أتوجعش ولا أتحاسب على قلبي. عارف إني زهقت. زهقت من الشرح، وزهقت من التبرير، وزهقت من إن الطيبة تتحاسب ضعف. ده كلامي، مش استعطاف، مش غضب لحظة. ده وعي قاسي، جاي بعد وجع طويل، ومش ناوي أرجع وراه. وده بسبب موقف زباله اتعرضت ليه ليه دايمًا اتحطت في موقف الاستبن ليه اتحطت في الموقف الزباله ده

1

1