صدمة من رد فعل خطيبي لما كنت منهارة

Mango_26929 🇪🇬

منذ يوم واحد

شعور مرتبك

موضوع:

اكتر موقف من حد بتحبه خلي حبك ليه يتغير

لما هونت عليه لما كنت منهارة وبعيط وبشتكيله منه مطبطبش عليا محتوانيش بالبعكس قالى لو تعبك ريحى دماغك منى كنت مصدومة من رد فعلو حتى مقليش معلش وهنحل كل حاجة سوا الحاجة الى مبتجيش فى وقتها ملهاش لازمة وعمرها مهتيجى ولما بدا يثعد بالايام وداهل فى الشهر مبيكلمنيش وميعرفش عنى حاجة واحنا مخطوبين وع كان فرحنا فى الشهر واحد دا الى احنا فيه وفشكلت وقولتلو انت معاك حق وهريح دماغى فعلا اصعب شعور لما تلاقى الى انت كنت معتبره كل حاجة هو الى مطبطبش عليك ولا قالك حتى كلمة تبرد نارك اكنه كان بايع

اتخدعت من أول حب ومشي من غير كلمة.. وجعني قوي

ايوة اتخدعت كتير جدا، اقرب حاجة من اول حب في حياتي مشي من غير وداع من غير اي حاجة بحجة انشغاله مستنياه يرجع لاخر عتاب ،،بس من غير ما استنى منه رد يعرف قد ايه وجعني و تعبني و همشي و انا ضميري مرتاح بعدها ...عرض المزيد

10 الدعم

1 نصيحة

ليه محبنيش يعيال؟ بصو الاكس بتاعي عامل إيه

بصو الاكس بتاعي احنا سايبين بعض من شهر 11 المهم هو عندي علي سناب لأن الاسكور بينا 245 يعني مش قليل فلو بلكته الاسكور بتاعي هينقص كتير المهم هو مش بيفتح ستريكاتي ولا انا بفتح ستريكاته المهم انهارده بعت استريك وانا بقالي كتير أوي مشفتش منو رساله انو بعت استريك ولما فتحتها لقيتها اسكرين لكول بينه وبين حدعلي انستا و هو مخبي الصوره بتاعته والكول كان ساعه ونص انا مش فارقلي بس انا فعلا اتاثرت وزعلت لانو مدام بيعرف كل الناس انو ارتبط ليه لما كان معايا كان مفهم الكل انو مش مرتبط ولما كنت اعمله منشن أو انزله استوري أو استريك ولا يرد ولا ينزلها عندو مع أن البنت دي بتمنشنله وبينزلها المهم يعني هو ليه محبنيش يعيال 😂 ...عرض المزيد

9 الدعم

4 نصيحة

اتعلقت بيه وطلعت مرتبط.. وجع قلب مبيخلص 😭

هو الموضوع طويل هحاول اختصرو انا ف رابعه كلية ابويا مش بيصرف عليا انا بشتغل من زمان وبصرف عل نفسي اشتغلت شغلانات كانت الناس تقول ازاي دي ف كلية وتشتغل الشغل ده يعني ف الغيطان والافران وكده يعني المهم اشتغلت ف فرنه من فترة وكان ابن صاحب الفرنه مهندس وعندو عربية كان مبيكلمش اي حد نهائي وكانو بيقولو عنو تنك ومحدش كان بيهزر ولا يضحك معاه اول ما روحت قالو لي تجنبيه احسن علشان ميسمعكيش كلمه وحشه أو يحرجك انا قلت تمام كان بيشتغل معايا علشان كان ف إجازة بطبق عيش وكده ومرة واحده لقيت عكس ما كل الناس قالت لي وعكس اي حاجه اتقالت عنو كان لطيف جدا وبيتعامل معايا حلو وبيهزر ويضحك وكل الناس كانت مستغربة وكل الناس اللي ف الشغل يقولو لي انت عملت فيه اي ده شكلو عينو منك وكلام من ده المهم انا بطبعي يعني بحب الضحك و الهزار علشان اليوم يعدي ف الشغل ومزهقش فا كنت بهزر معاه كان بيفضل يضحك ضحك هستيري وكل الناس كانت بتقولي احنا اول مرة نشوفو بيضحك كان بيجيب لي اكل وشوكلاته وبيهتم بيا انا كمان اهتميت بيه وبدأت الاحظ رجولته لما كان بيدافع عني ف اي موقف وخصوصا اني بقالي ست سنين مفيش راجل ف حياتي ولا حبيت حد كان اول واحد بعد مده طويلة اتعلق بيه قلت معقول يكون ربنا بيعوضني عل التعب اللي شفتو المهم بعد مده شهرين فتحت الاكونت بتاعو عل الفيس لقيتو كاتب مرتبط فا كلمتو بقولو انت طلعت مرتبط قالي اه مرتبط بقولو طب ومقاتليش ليه قالي ما انت مسالتنيش (كنت بسال بطريقه غير مباشرة خصوصا انو عمرو ما قالي حاجه)وبعدين عادي احنا صحاب هو قالي كده بس كنت. خلاص اتعلقت بيه اتكلمنا بعدها فترة وبعدها قطع معايا من غير أي أسباب وبكلمو مش بيرد بحجه انو مشغول نفسي اعرف كان ليه من الاول يعلق حد بيه حد هيقولي مهو مقالكيش حاجه يجدعان انتوا مكنتوش بتشوفو بصتو ليه كانت عنيه بتلمع واهتمامو بيا مش عارفه اتخطاه وحاسه أن هيبقي الالم اللي هعيش طول عمري بيه بقالنا تلات شهور مش بنتكلم هو محبنيش كان بس معجب بيا والإعجاب راح مع الوقت تقريبا كل يوم عياط اول مصحي وقبل منام علشان ده الوقت اللي بفتكرو فيه 😭 ...عرض المزيد

8 الدعم

1 نصيحة