ليه البنات تبعت صورها؟ سؤال محير ومقلق بجد!

Question

انا عندي سؤال ليه بجد ممكن البنات تبعت صورها للولاد يعني البنت تكون صغيره وتلاقيها مرتبطه بواحد من علي النت أو غيره ويقولها ممكن اشوفك بلبس كذا ممكن تصوريني نفسك وانتي كذا والبنت تكون خايفه ان هو يسيبها لو مش بعتت طب ميسيبها بجد ليه ممكن تبعت صورها لواحد وبردو الحوار دا بيحصل مع المخطوبين بردو متزعليش صورك ممكن الخطوبه متكملش بجد وصورك تروح فكل حته والبنات المحجبه اللي بيبعتو صور بشرتهم انتو عاقلين بجد ؟ + صلو علي النبي 🤍

Banana_69853 🇪🇬 · Accepted Answer

الموضوع بيرجع للاهل في الاول و الاخر  
لان لو في متابعه من الأهل مش هيحصل الكلام دا و غالبا البنات اللي سنها صغير مش بتكون عارفه مصلحتها كويس

Strawberry_52368 🇪🇬 · Answer

في بنات بتبقى محتاجه اهتمام وكلمة حلوة حتى لو اهلها كويسين دي فطرتها في بنات بتبقى خبرتها اقل فا مش بتدرك ان ال قدامها هيدخلها ف مصيبه او انه بيهددها مع انها لو قالت لحد واثقه فيه مش هيحصلها حاجه بس الفكره ف (ال واثقه فيه فين)

French Fries_88854 🇪🇬 · Answer

يعني لو مش هايهددها ولا هايدخلها في مصيبه 
يبقا عادي ساعتها!! 
وبعدين فطره ايه
هو اي فتي تبررو بيه اخطائكم وخلاص

Strawberry_52368 🇪🇬 · Answer

اولا ده مش حاجه انا عملتها انا بتكلم كا بنت فاهمه البنت محتاجه ايه لما تبقى بنت ف اعدادي ولا فترة مراهقتها عامة متلاقيش حنان من ابوها واخوها هتاخد حنان من مين؟ اهتمام من مين؟ هتروح تدور بره وانا مقولتش ان ده مش حرام انا بقول مبرر البنات ال بتعمل كده! وانت مبتشوفش الشباب ال بتكلم البنات للصغيره ويغسلوا دماغهم عاملين ازاي؟ منهم ال بيهددها انه هيقول ل ابوها وابوها بالنسبه ليها كابوس ممكن يأذيها!

French Fries_88854 🇪🇬 · Answer

ماتاخدش الاهتمام من حد عادي،  الصح صح والغلط غلط،  ولو مشينا بالمنطق بتاعك فا كدا بقا اي حاجه غلط الانسان محتاجها ومشتهيها يروح يعملها!
مفيش مبرر للغلط عمتا 
دايما الغلط بيكون سهل والنفس تهواه

Strawberry_52368 🇪🇬 · Answer

انا مش عارفه انت فهمت ايه انا ممكن مبعرفش اعبر كويس بس انا مش ببرر غلط انا متأكده انه حرام انا برد على صاحب البوست ان ده مبرر البنات ال بتعمل كده انت فاهم؟ مقولتش ان اي واحده مش لاقيه اهتمام تروح ترتبط لأ طبعا!  انا بتكلم عن الشباب ال بيغسلوا دماغهم

French Fries_88854 🇪🇬 · Answer

وصحيح 
انتي اصلا قولتي بتعمل كدا حتي لو اهلها كويسين!!

French Fries_88854 🇪🇬 · Answer

خير خير

Popcorn_68662 🇪🇬 · Answer

معلش ثواني عشان هو الكلام اللي البنت بتقولو صح . 
هي اي بنت فطرتها تكون محتاجه اهتمام زي الراجل فطرته العطاء . 
والسن بتاع البنات الصغيره لو الأهل مش مصاحبين البنت سهل اوي اي واحد يضحك عليها بكلمتين حلوين و انتي مراتي يا بت و انت شاب وعارف قصدي كويس . 
فا بلاش تهاجم و تقول الغلط علي البنت لاء الغلط بيكون عندنا احنا الاول كارجاله بتحاول نلعب في دماغ اي بنت . وللاسف الأهل اللي بيبقو بيمنعو بناتهم عن

Popcorn_68662 🇪🇬 · Answer

فا الموضوع كلو غلط و لو عايز تحاسب يبقي طلع الغلطان الاول مين مفيش بنت بتبعت صور من نفسها غير لو شمال . لكن اللي بيعمل و يخرج و يمثل هو الراجل. 
وخليك فاهم كويس أن القفل الزياده سبب في مشاكل اكتر ما هو حمايه في الوقت الاي احنا فيه ده

French Fries_88854 🇪🇬 · Answer

والشهوه دي فطره يامعلم،  ينفع تروح تزني عشان دي فطرتك وانت محتاج لحاجه زي دي؟ 
والغلط مش علي الولاد بس،  الغلط علي البنات برضو عشان ماحافظتش علي نفسها وتجاوبت معاه، وحتة ان البنت بيتضحك عليها بسهوله دي مش حقيقيه
هي عندها عقل والله،  فا لو هي وقعت في غلط فا دا عشان هي عاوزه كدا وكانت مستنيه اللحظه دي

French Fries_88854 🇪🇬 · Answer

وكدا كدا طبيعي الولاد الي من النوع دا مش هايخلصو ابدا وهايفضلو موجودين وملهمش حل، يعني مش هانعرف نخلص منهم 
فا المفروض البنت بكل بساطه تصد الي يحاول يعمل معاها كدا، وانا ولا بهاجم ولا بتنجان انت الي رايح تدافع وخلاص،  واتكلم علي نفسك انت وبعض العيال الي بتلعبو بدماغ البنات،  ماتجمعش بقا وتقولي احنا كارجاله!!

Strawberry_52368 🇪🇬 · Answer

طيب طلاما انت فاهم كده متعرفش انت انت البنت عاطفتها بتتحكم فيها اكتر من الرجاله ولا انت بتهاجم وخلاص؟ ما تفهم نصحية ال قدامك ويعني ايه تكون البنت هي ال عايزه كده هو في بنت عايزه يتضحك عليها وتتهدد يعني؟

Avocado_68293 🇺🇸 · Answer

عليه افضل الصلاه والسلام
للاسف جهل بالدين وقله ثقة مصايبنا كلها تندرج تحت الجهل

French Fries_88854 🇪🇬 · Answer

كلامك دا معناه حاجه واحده،  ان البنت بطبيعتها غبيه، وسيبك من هاتتهدد ولا ماتتهددش،  انا مليش دعوه العلاقه مشيت ازاي بعد كدا،  الي اقصده انها عاوزه تجرب وتدخل في علاقه

Popcorn_68662 🇪🇬 · Answer

معلش يا كبير انت كده مش فاهم . 
في في بلدك بنات كتير اوي علي الله حكايتها و ياصحابي انت بتغلط فيا و بتقول اتكلم عن نفسك وانك مش كده . 
هو انا لو هتكلم عن نفسي فا أنا ممكن اقولك انا عندي بنوته ٨ سنين وعشان كده بقولك الكلام ده . 
و الشهوه بتكون عند الاتنين و انت لو فهمت كلامي انا قولت الاتنين غلط بس الولد غلطه الاول و المفروض يتحاسب قبل البنت لانه مفروض راجل و مسؤول و البنت عشان تصده لازم يبقي اهلها

Popcorn_68662 🇪🇬 · Answer

الأهل يكون متصاحبين مع بناتهم . 
واه طبيعي أن البنت تبقي عايزه تجرب احساس الحب في سن المراهقه زي ما الولد نفس الكلام . 
فا الاتنين يا صاحبي غلط لكن لو انت صح يبقي تغلط اللي بيقول كلام وهو مش اده . 
ولما بقولك كرجاله قصدي انك فاهم دماغ العيال السيس بتكون ازاي

Strawberry_52368 🇪🇬 · Answer

ماشي احنا هنا بنتكلم عن نوعية معينه  هي مش فاهمه انها بتعمل مصيبة يعم حتى لو فاهمه اكيد مكانتش هتتمنى انها تبقى ف المصيبة انت هنا بتقول هي ال عايزه تجرب!

French Fries_88854 🇪🇬 · Answer

حقك عليا لو غلطت فيك،  سيبك من النقاش خلاص مش مهم مين الصح ومين الغلط 
انا مش داخل تحدي ومش عاوز اوجع دماغي،  الي عاوز يغلط يغلط،  في النهايه كل واحد هيشيل شيلته

French Fries_88854 🇪🇬 · Answer

مش هاكمل في النقاش دا خلاص،  حصل خير