مبدأيا انا مش عايزة محاولة تغيير شخصية عشان ده بيديأني بس عايزة حد يكون فاهم انا فعلا مش بعرض حياتي لأي حد والسلام إنما أنا ممكن اضطر اني اعمل كده وده مش معناه انه غصب عني وهو اني بحب أبين حياتي للناس اللي بتعاني فقط كنوع من الدعم العاطفي اللي بيخليك تطمن انك مش لوحدك اللي بتمر بالظروف دي وتطمن اكتر وده لأن في طبع البشر هو انهم بيحبوا لما يخسروا أو يقعوا يلاقوا حد واقع وخساران زيهم عشان يطمنوا انهم مش لوحدهم وان في زيي وقع في الغلط اهو ويشيل من عندهم اي توتر أو ضغط انهم يحاولوا يكونوا احسن زي الناس اللي فوق خصوصا لو حاجة هما ملهمش دخل فيها والسبب اللي بيخليني اعمل كده هقولوا في الأخر بس اللي بيخليني اعمل كده هو اني كان نفسي حد يعمل معايا كده من بدري ويطمني بدل منا كنت طول حياتي عايشة في توتر في محاولة اني ابص فوق وابقي احسن أو ان حد يطمني اني مش انا بس اللي بقع واني مش ذكية ووقعت في الحته دي بس للأسف ده محصلش معايا فبديت انا االي اعمل كده تلقائيا بدون مكون مستنية اللي قدامي يعمل نفس التصرف ولا حتي في دماغي اني عايزاه يعمل كده معايا هو بس بحقق اللي كان نفسي اشوفه بيحصل معايا والأسباب اللي بتخليني اعمل كده هي ان الشخص ده بيمر بظروف صعبة وممكن يكون شايف اللي حواليه احسن منه بكتير فيبتدي يكره نفسه وحياته ويحس بنقمة وده اصلا عموما في طبع الناس انهم لما بيكون عندهم مشاكل كتير وضغوطات وتعاسة بيحسوا ان الناس كلهم سعداء وهما لأ كأنها محرمة عليهم تاني حاجة عشان ميبتديش يدخل في مرحلة الحسد والحقد علي اللي عنده حياه احسن أو هو شايفها احسن من منظوره وده مع الوقت بتولد كره للشخص بدون سبب اللي هو انت ليه يكون عندك النعم دي وانا لأ وهنا منقدرش نلوم علي حد من الطرفين هي الفكرة انه بس سعات في حجات مينفعش توصل لحد تاني في وقت مش وقته زي انت مثلا يتصحي وتنام علي اعلانات كباب وكفته ومحاشي مينفعش نوري اعلانات زي كده لأهل غزة مثلا لأنهم مش طايلين العيش حتي والسبب التالت واللي بعتبره سبب اناني وبستعمله لمصلحتي هو اني سعات ببقي عايزة الشخص اللي قدامي يبص علي حاجة عالية انا شايفاه لأني عارفة انه لو شافها هيوصلها قبل مني فبحاول اخلي يبص علي اللي معاه وهو مش شايفه أو الأعلي بس مش اللي انا شايفاه زي مكون انا شايفه شجرة موز عالية بس عايزة اخلي اللي قدامي يبص علي الموزة اللي في الأرض اسهله لأني عارفة انه اسرع واذكي مني ويوصل للشجرة كلها لوحده وده بصراحة وانا بعترف بكده حاجة أنانية ومفيهاش زي ما سيدنا محمد قال حب لأخيك كما تحب لنفسك وسؤالي الأخير بقي هل اللي انا بعمله ده مش صح لأن ربنا قال لسيدنا محمد وأما بنعمة ربك فحدث

3

7