مبسوطه انى انهاردة صاحيه قادرة أدي نفسي مجهود و وقت اكبر من اي حاجه تانيه و عندي طاقه انى اجاهد و ابذل عشان اكون في مكانه احسن مش قاعدة حاطه ايدي علي خدي مستنيه الزوج اللى يجى يحسنلى حياتى ليه بقول كده لانى ففترة ما في حياتى كنت سايبه حياتى تبوظ تحت بند انه هيجى الزوج اللى يظبط كل حاجه و كنت عايزاه بمواصفات معينه اكتشفت انه المواصفات دي مش هقدر احصلها في زوجى لو مكنتش فعلا موجوده عندي إزاي عايزة زوج مجتهد و مسؤل وانا معرفش يعنى ايه مسؤوليه إزاي هقدر اقرر هي موجوده عنده وإلا لا وانا اصلا مجربتهاش و هكذا دلوقتي قادرة استمتع بالواقع اكتر عايزة اعيش اليوم زي ما هو بالوحش و الحلو عندي طاقه اتقبل كل حاجه واي حاجه و قبل كل ده قادرة اتقبل نفسي و احبها

7

12