محتاجة اتوب اه محتاجه اتوب فعلاً ، و أي واحده محتاجه تتوب وانت كمان محتاج تتوب وبيني و بينكم الموضوع يبان انه مقلق في الاول لكنه جميل كام مره وقعت في غلط … فكر كده ؟ طيب انت مستعد تقابل ربنا دلوقتي ؟ يبقى ليه تتأخر؟ عارفه انك غلطت كتيييير اوي و عارفه انك وقعت في افعال وحشه جداً ويمكن تكون عملت كبائر زي انك قت*لت او سرقت او زنيت او شربت حاجه سواء كنت ولد او حتى بنت كلنا بنغلط … و ديه الحرب اللي ربنا خلقنا على الارض علشانها حرب مع نفسك و حرب مع شيطانك طيب انا غلطت غلطة كبيره اوي .. طيب انا عندي ذنب مستمر مش عارف ابطله زي ايه .. مدمن كحوليات او بشرب سجاير او بتفرج على ابا*حيه وممكن تكون ذنوب الخلوات اكتر من كده سؤالك هنا … هل هقدر اتوب بعد كل ده ؟ الاجابة و بالفوم المليان : ااااه ليك توبه عادي و لو غلط الف مره غمض عينك و تخيل انك مت … هل هتبقى مستريح بوضعك ؟ شوف بقى لما تتوب هتاخد ايه بسم الله كده … كل اللي فات ده ربنا هيغفرهولك باذن الله ايه ده حتى لو زنيت ؟ … اه حتى لو زنيت كمان عندك فرصة انك تاخد اضعاف اجرك الطبيعي ازاااي لما تشد حد انت تعرفه واقع نفس واقعتك تخيل بقى عظمة الاجر طب خد ديه … الحسنة ب ١٠ امثالها يعني كل حسنة ب ١٠ ديه عارفينها وفي رمضان بقى الحسنة ب بتضرب في ٧٠ كمان يعني الحاجه الصغيرة اللي عملتها ديه كإنك عملتها ٧٠ مره طيب بلاش ديه المعاصي اللي بتيجي قدامك و بتتكالب عليك … كل يوم بتنزل الشارع تلاقي واحده حلوه ولابسه ضيق او انتي عايزه لما تمشي فالشارع الناس كلها تشوف جمالك وحلاوتك اللحظة ديه انت بين نارين … اما ابص على البنت او ابص بعيد … و انتي اما تحطي ميكياج و انتي نازله او البس واسع تخيل بقى لو عملت عكس المتوقع و بصيت بعيد او في الارض و غضبت بصرك او انتي اللي متزينتيش وانتي نازله للناس كل خطوة هتاخدوها ب حسنة طب بلاش كل ده انا توبت خلاص … جميل ؟ بس وقعت فالغلط تاني …. اياك تستسلم … قوم بسرعة متخليش الحاجه ديه تكون مألوفه ليك عارف ؟ هتغلط تاني و هتقع و تقوم و هتغلط و تقع و تقوم الى ان يشاء الله الشيطان بيتوعد للناس المؤمنه و حالف ميسيبهمش في حالهم خليكم اقوى منه … غيظوه و عصبوه … خدوها عناد معاه … شوفوا هتفرحوا قد ايه وانتوا بتستفزوه جماعة التوبة جميله … والله الحياة في التوبة تحفة توبوا ديه رحمة ربنا كبيره … متتخيلوش الناس المؤمنه و التائبة حياتهم جميييله ازاي .. انتوا مجربتوش والله توبوا قبل فوات الاوان و ادعولي بظهر غيب ❤️

4

1