محتاره بين اللي بحبه واللي عاوز يتقدملي.. أعمل إيه؟

Question

محتاجه راي كل شخص اكبر مني بجد 
انا بنت وحاليا اولى جامعه ومرتبطه بواحد اكبر منى بسنه وعرف اهله واهلى أنه بيحبني وعاوزني بس لسا كمان ٣ سنين هنتخطب و للاسف اخر فتره بينا مشاكل وعنده غيره زياده وتحكم زياده وبحس انى محبوسه وقولتله كدا كتير وهو مصمم وبيزعل بسرعه منى بس بيموت فيا فعلا وبيعمل اي حاجا عشان اكون مبسوطه وممنوع اكلم ولاد عمى أو ولاد خالتي حتى الأصغر مني وانا كمان كنت بحبه لحد ما حصل بينا مشاكل كتير وحبي بدأ يقل المهم دلوقت في واحد عاوز يتقدملى واهم حاجا عجبتنى فيه الصلاه وحافظ القران وانا كنت ملتزمة وبعدت عن ربنا لدرجة اني معتش بصلي وماما بتقولي وافقي لانه احسن من إلى بحبه دا ماديا و كمان دكتور فالجامعه والتاني تمريض و دماغه وأسلوبه وأهله احسن من إلى كنت بحبه دلوقت محتاره اعمل اي للعلم مكمله مع إلى كنت بحبه عشان مكسروش وعارفا لو بعدت عنه هيدمر اعمل اي أو اجيبها بطريقه احسن ازاى أن ابعد عنه وديما بيفضل يقولي اوعى تبعدي عنى اوعى تكسريني مش هاين عليا معرفش اعمل اي ومشاعرى متلخبطه والى هيقولى ابعدي عاوزه طريقه حلوه مجرحوش بيها
جيت اسيبه ياجماعه قالي حقك عليا اعمل اي يرضيكي ومتبعديش عني وعيط بجد انا مش عارفا اعمل اييي

Biscuit_88943 🇪🇬 · Accepted Answer

اولا انا هكتبلك كومنتين...
الشخص اللي معاكي حاليا لايصلح زوج لانه شكاك وغيور وممكن بعد الجواز يشك فيكي في اي حاجة 🙂... وانتي فهماني طبعا وحياتكم هتتقلب لجحيم صدقيني لأن الراجل مش فلوس وهدايا وبيحققلي كل اللي نفسي فيه وبس.. في حاجات تانية بتتحط في الاعتبار..

Avocado_89116 🇪🇬 · Answer

الحقوني بجددد

Kiwi_87034 🇪🇬 · Answer

ده لعب عيال ده 
اهدي شويه انتي مستعجله علي الجواز والهم ليه

Avocado_89116 🇪🇬 · Answer

يعني اكمل ف الارتباط لحد بعد 3 سنين ونتخطب😂

Apple_22069 🇪🇬 · Answer

انتي تركزي في مستقبلك ولا توافقي علي اللي جالك ولا تكملي مع ده هو لو عايزك هيجيلك بعد ال ٣ سنين يتقدم انتي ابعدي عنه عشان ترجعي لربنا تاني والجواز مش هيطير والله المهم مستقبلك انتي لسة صغيرة اوي اصلا علي الجواز

Biscuit_88943 🇪🇬 · Answer

الشخص اللي متقدملك جديد وافقي عليه اه ولكن انتي لازم تاخدي علاقتك معاه زي درجات السلم.. يعني تبدئي بالتعارف البسيط.. تعرفي هواياته واهتماماتة وتسأليه اسئلة زي لو حصل مني كذا هتعمل ايه وهتتعامل معايا ازاي.. دة هيخليكي تعرفي منه اسلوبة في معاملتك فيما بعد اللي هتبنوا حياتكم عليها.. تتابعيه في موضوع الصلاه لأنه مش شرط عشان قالك انه بيصلي يبقي متدين وعلي خلق.. وممكن يكون قناع هو لابسه لتجميل صورته

Biscuit_88943 🇪🇬 · Answer

بعد فترة التعارف.. تبدئي مرحلة جس النبض في اسلوبه.. وبعدها تبدئي مرحله الاعجاب بناء علي انك خدتي انطباعات جيدة عن اسلوبة اللي قولتلك تكتشفية مع الوقت.... وملحوظة ياريت كل دة يكون بدون ثقة عشان ميحسش انه امتلكك لنفسة... بعد الاعجاب لو طلع وكمل كويس تيجي مرحلة الحب المصاحبة للثقة ولكن غير المفرطة.... لو كان كويس يبقي الف مبروك وتعزميني بقي

Coffee_58539 🇪🇬 · Answer

اللى فى كلية ده مراهق جدا و  لسه بدرى عليه
حتى لو مشاعره صادقة 
تانى حاجه ودى اهم بقى متضيعيش سنين عمرك
عمر البنت غالى عن الولد ، البنت ليها سن كده بتكون مطلوبة فيه للجواز ف متضيعيهوش مستنية جنب حد ممكن يتقمص وتسيبو بعض عادى
ولسه بقى ٣ سنين عشان يخطبك و الجيش و هشوف شغل و اكون نفسى وعدى كام سنة عشان يتجوز 
و القصص بتاعت سنكم ده مبتكملش اصلا
ف شوفى مصلحتك

Coffee_58539 🇪🇬 · Answer

اعتقد انتى متقوليلوش حاجه خلى اهلك يكلموه عشان لو كلمتيه هيضغط عليكى و هيصعب عليكى الموضوع لكن لو حد من اهلك هيعرف يقطم معاه الكلام و يستأذنه ميتواصلش معاكى فون او فالكلية .
ولو حاول يتواصل معاكى مترديش عليه و طبعا تكونى عاملة بلوكات من كل حتة

Apple_71528 🇪🇬 · Answer

خدى الناضج العاقل التانى ال بتحبيه عيل لسه توكلى على الله واسمعى كلام ماما

Avocado_89116 🇪🇬 · Answer

مش قادره ابعد عنه بعد ما قالي موافق على اى حاجا بس متبعديش عنى