من كام يوم صحيت بليل فجأة من غير سبب كل اللي كان في بالي وقتها كلمه واحده اني هموت قريب متخضيتش و متدايقتش من كده بالعكس من زمان وأنا مستني الموت رغم ان عمري ماكنت جاهز ليه ولا مواجهه ربنا بس مستنيه لو ده حصل مش زعلان و مش هحس ان فاتني حاجه و اكيد هحس اني قصرت جدا في عبادتي و تقديري للنعن اللي معايا كل ما الشيطان ياخدني في جزئيه مراتك و بنتك هيعملوا ايه بعدك بزق الموضوع بعيد عني انا مش هفكر فيهم و انا عايش و وانا ميت كمان اللي كان بيرزقهم و انا عايش هيرزقهم و انا ميت اينعم بحس اني هفتقد بنتي و اني لسه معيشتش معاها كتير يادوب عندها ٣ سنين و نص بس عادي اكيد هنتقابل تاني وانا عايش الايام دي بشتغل ٣ شغلانات مش علشان ائمن مستقبلها لا عمري ما هقدر اعمل ده بس على الاقل اليوم اللي نعيشه يبقى حلو مليان تفاصيل كتير و حاجات حلوه يمكن تفتكرني بيها و تعذرني لو قصرت في حقها من يومها وانا بفكر في الموضوع امتى هيحصل و مع ذلك مغيرتش من روتيني في اي شيء يمكن بدأت اسمع حاجات عن الخوف و الرجاء ولكن انا جاهز لكن مش مستعد

1

3