مكنتش متخيلة انى هكتب هنا تانى خصوصا بعمل عمرة حاليا بس جوايا كلام كتير اوى محتاجة اكتبه من غير ما اوجهه لحد معين عايزة اكلم نفسي وف نفس الوقت احس ان حد قرأ كلامى .. انا بقالى اسبوع في السعودية انا وماما واختى حاسة بغربة شديدة مش غربة عشان البلد لا غربة انى عندى شعور ان ماليش حد ودا بان اكتر واكتر هنا .. حصل موقف مثلا قبل م نسافر ان احنا معاد طيارتنا بدري اوى وهنتحرك من محافظة لمحافظة ف مزلنا من البيت 1بالليل .. الناس الى جت تبارك من القرايب جم شوية ومشيوا .. احنا لو حد مسافر بيبقى لازم نوصله ونفضل معاه لأخر وقت.. بس ف وقت طبيعي مكنتش بصراحة هزعل بس الفكرة ان بابا متوفي فااا اول مرة أحس انى خايفة وان محدش فكر او خاف علينا انهم يوصلونا حتى ولو لأقرب مكان.. بس سافرنا وعدت ع خير.. انا بس بغربة كمان وسط أهلى امى انا بحاول أتكيف معاها مش طول الوقت بس بحاول لكن هى مبتزعلس ع زعلى عايزانى طول الوقت اعدى وافوت.. رحلة العمرة دى احنا طالعينها مع اصحاب اختى وامهاتهم ف هى منسجمة معاهم حتى منزلتش معانا ف نفس الاوضة.. والنهاردة كله نزل من الفندق وراحوا الحرم من غيرنا بس احنا ملناش عندهم حاجة بس اختى نزلت كمان واحنا ف بلد غريب .. نزلت انا وماما والحمد لله ربنا وفقنا وعرفنا نروح الحرم صحيح مشينا شوية كتير لانى اتلغبطت ف ارقام الابواب الى بتوصل للكعبة بس وصلنا بس انا معرفتش امسك دموعى وانا بصلى قدام الكعبة اختى مش موجودة ف حياتنا بقالها كتير بسبب انها بتعنل ماجستير ف محافظة تانية بس كل م تيجي لازم نتخانق لان اسلوبها صعب وعصبية وانا كتير بجاول افوت ولو كلمتنى برد وخلاص وبننسى لكن لمااجى مرة زعلى يطول ماما تشوفني انا وحشة بس فوق كل دا كمان المفروض اننا جينا مع بعض احنا التلاتة ف بلد غريبة يبقى ننزل ونطلع مع بعض من باب الحرص ع نفسنا وانهل المفروض تخاف علينا انا لو مكانها مستحيل اعمل كدا قلبي مش هيطاوعني.. النهاردة واحنا داخلين الحرم ماما تعبت اوى وكنت حوديها المستشفى مكنتش عارفة اعمل ايه خصوصا انى مش معايا رقم سعودى عشان اتصل بحد من الى معانا ..حسيت بوحدة رهيبة حسيت انى يتيمة رغم وجود ماما بس مش قصدى المعنى الحرفي فكرة ان بابا مش موجود ومفيش غير ماما واختى وماما اصلا بتهاود اختى كتير عشان تعدى الدنيا وبتلومنى انا وتقولى اعتبريها ضيفة.. النهاردة قالتلى انا مش حدعى ع نفسي بالموت عشان انتو متتبهدلوش فدا حسسنى أكتر بأد ايه انا لوحدى لانى عارفة ومتأكدة ان ماما بعد الشر لو مش موجودة انا واختى هيكون تعاملنا سطحى وكل فين وفين.. فااا انا حاسة انى ماليش حد وكأنى ماليش الحق احس ان عندى أهل طبيعيين واخت ربنا عالم انا بعمل معاها ايه وهى ف المقابل بتعمل ايه انا مشكلتى انى مبقتيش حاسة بالانتماء لأى حد انا كلامى ملغبط بس انا كنت محتاجة اكتبه عشان اعرف اكمل.. كل يوم ف المدينة ومكة بعد الصلاة بنصلى صلاة جنازة بقول والله يا بختهم الحياة دى مرهقة جدا ساعات بحس انى نفسي مرجعش معاهم

1

7