مش عارف أتعرف على بنات مع أني شكلي حلو وأشيك

Question

جماعه انا عندي مشكله مش عارف اعمل فيها اي اني حرفيا مش بعرف اتعرف علي بنات خالص يعني مثلا بتكون انا و صحابي واقفين مع بنات هما بيتكلمو معا بعض و انا لما باجي بتكلم محدش بيديني انتباه مع اني بلبس اشيك لبس و موضه عالميا و احسن من كل الي حواليا و مهتم بشكلي و كمان انا اصلي تركي فا شكلي or ready حلو و كنت مصاحب كذا مره و بتكلم مع بنات زمان بس دلوقتي انا مش عارف اتكلم أو إبداء منين و في نفس الوقت عايز اتعلم اكون تقيل ازاي أو انقي كلامي ازاي لاني بزعل لان عندي كل ده و صحابي مش بيتعبو في حاجة زي ديه و انا هنا مش قصدي حاجه وحشه أو اني عايز اشقط بس يكون عندي صحاب من الناحيتين

Moon_71804 🇪🇬 · Accepted Answer

بص خليني اقولك ان المكان اللي انت فيه هوا عامل كبير يعني لو ف چيم ميكس لازم تكون فورمه علشان تكلمها وتبتدي معاها علي قلي لو كا نصيحه بتقدمهالها ولو مثلا ف كليه لازم تكون دحيح علشان تلفت نظرهم وتلخصلهم مواد فاهم ف علي حسب المكان واهتماماتك هتعرف تسيطر اما بقي بدايه الكلام ف دا سهل مع اول وتاني مره هتتعلم امشي بمبدا no risk, no fun

Marshmallow_89711 🇪🇬 · Answer

انا حرفيا داخلة اقولك ان مفيش حاجة اسمها الراجل يتقل ✋🏻😔😂
لازم تبقى مدلوق على اللي تحبها كده 😭🎀
وبالنسبة للموضوع فأنت اللي صح وهما اللي غلط.
ايه الحلو انهم واقفين مع بنات 
واللبس الشيك والجمال عمره ماكان مقياس أبداً

Coffee_89746 🇪🇬 · Answer

ولله انا لو علي البس و الشكل و الطول موجود 😭😭بس الفكره اني مش عارف اتكلم أو إبداء منين و بحس اني مهمش كده ممكن اتكلم محدش يرد عليا 🤡🤡

Sugar_89598 🇪🇬 · Answer

لا بالعكس خليك على طبيعتك واتعامل عادي لو وشاركهم الكلام ما تحسس نفسك انك قليل أو انك ما عارف تتكلم خد راحتك واتكلم وخليهم يشوفوا ويسمعموا منك

Mango_70768 🇪🇬 · Answer

بص بلاش تفكر في الموضوع بطريقة سطحية لان اللبس والجمال مش كل حاجه بردو
معرفش هو دا بيكون نصيب وارزاق
ف انت ركز ع اسلوبك وطريقتك ويمكن ربنا شيلك الاحسن

Coffee_89746 🇪🇬 · Answer

احاول احسن اسلوبي ازاي يعني انا بكون كارف مفيش فايده بكون هادي و لذيذ مفيش فايده و اكيد العصبيه مش هتعمل ده لاني اصلا طبعي هادي فا اعمل اي

Olive_73027 🇪🇬 · Answer

في بنات مش بتحب اللي بيتكلم مع البنات ويهزر والجو ده ، خليك مع اصحابك افضل تزيد فنظرهم

Marshmallow_89711 🇪🇬 · Answer

ربنا يوقعك في واحدة هبلة تكون هي اللي بتعرف تفتح مواضيع وتعرف تاخد وتدي معاها في الكلام 💗💗😭