مش حاسه باني وسط أصحابي.. مكاني مش هنا

Question

اصحابي بالنسبه ليا حاجه مهمه اوي اوي في حياتي، بس مؤخرا بقيت شايفه نفسي مش مفضله عند حد بقيت شايفه نفسي مش وسطهم او مبقتش حاسه ان وجودي بينهم دا مكاني بقيت حاسه وانا معاهم ان مكاني مش هنا محدش شايفني فيهم

Grape_15624 🇪🇬 · Accepted Answer

الصحاب مش مهمين خالص نفسى نفهم الصحاب فترات الصحاب فترات محدش بيكمل معاك للآخر والله

Avocado_34839 🇪🇬 · Answer

مبيكملهاش غير ولاد الأصول

Avocado_36021 🇪🇬 · Answer

مينفعش تخليهم حاجه مهمه بالنسبالك انتي ف اي وقت هتبعدو كده كده الي هتتجوز والي هتشتغل ف ف كل الحالات حطي ف دماغك أنكو هتبعدو وانكو مجرد فترات ف حياه بعض

Chilli_34730 🇪🇬 · Answer

قدري نفسك وحبيها ومتستمديش قوتك من حد استمديها من جواكي

Cherry_32410 🇲🇦 · Answer

هدا يمكن مجرد شعور فحسب جربي تبعدي عنهم شوية لو بعدو يبقى احساسك في محلو لو سألو عنك وحسيتي انهم مفتقدينك يبقى احساسك غلط وفي الحالتين انتي بخير بيهم او بدون كوني صحبة نفسك أولا وتعلمي تقضي وقتك لحالك كثير وتستمعتي في هالوقت

Tofu_30440 🇪🇬 · Answer

لا مهمين و مهمين اوي اوي، علاقتنا كانت علاقه غريبه مش شبه اي صحاب عادي، بس الي فرقنا ثانوي من اول ما دخلنا ثانوي و كلنا قعدنا في فصول مختلفه حتى كل دروسنا بقت مختلفه و مبقتش بشوفهم نهائي او اكلمهم اما فترة اعدادي دي من كتر ما كنت اسعد لحظه في حياتي ممكن افتكرها و اعيط

Chocolate_34396 🇪🇬 · Answer

يمكن هما مش مناسبين ليكي شوفي ناس شبهك و مش كله بيبقي فترات في ناس كويسه لازم تكون موجوده

Coffee_34569 🇪🇬 · Answer

بصي ابعدي فطره مثلا اسبوعين قالولك ننزل متنزليش اتكلمي معاهم اتجهلي حولي تبعدي لو هنا كمان بعدو يبقا دول ميستهلوكيش لو قربو قوللهم انتو بعدو ليه من الاول بس متزعليش لو مهتموش هما الخسرنين

Tofu_30440 🇪🇬 · Answer

هما بنات اصول بس ثانوي فرقنا مبقتش معاهم في ولا درس ولا حتى معاهم في فصول المدرسه فمبقيناش نشوف بعض حتى

Tofu_30440 🇪🇬 · Answer

مش عايزه اتخيل اننا نبعد او نكون فترات دي حاجه لا عقلي يتقبلها ولا قلبي حتى

Blueberry_36031 🇪🇬 · Answer

كان عندي نفس المشكله من فتره مع صاحبتي بس اتكلمت معاها وعرفتها ان الفتره اللى فاتت كنت حاسه من ناحيتها بتجاهل وحلينا المشكله والحمدلله دلوقتي احسن كتير..مع العلم اني مش بعرف اعاتب او اشرح لحد شعوري بس كان المفروض اعمل كده عشان علاقتنا متنتهيش.

Tofu_30440 🇪🇬 · Answer

انا لما ببقى معاهم بكون احسن انسانه في العالم وبختصار هما مصدر قوتي ودي حاجه لا اراديه هما احلى حاجه ممكن تحصل للواحد

Coffee_35276 🇪🇬 · Answer

للاسف كلنا مراحل ف حياة بعض والأولويات بتتغير هو طبيعي يحصل بس بيوجع أو بس بيحصل ماتتعلقيش بحاجة ولا بحد

Strawberry_35683 🇪🇬 · Answer

الصحاب بيهونو علينا دايما ربنا يخفف عنك يارب 😍

Avocado_35174 🇪🇬 · Answer

بصي انا فاهماكي و كل الكومنتس ال بتقول انك كده كده هتبعدي يا دلوقتي يا بعدين انا بقي مش مؤيده للكلام ده لاني مجربه ال انتي بتقولي عليه بس ال لازم بقي هو ان الصحاب دايما سوا لو حصل ايه هما سوا ميفرقش بقي اي حاجه و دول مش صحابك اصلا

Tofu_30440 🇪🇬 · Answer

فكرتك عجبتني جدا و بالفعل هنفذها، بس ابعد عنهم ازاي ابلكهم كلهم مثلا ولا ازاي؟

Grape_15624 🇪🇬 · Answer

اديك قولتى بلسانك اهو فتره إعدادى عادى هما كانوا فتره فى حياتك ممكن تبقى حلوه بقى أو وحشه بس هى بتبقى فتره

Avocado_35174 🇪🇬 · Answer

يحبيبي لازم تختبريهم الأول ولو ان انا عارفه ان احساسنا دايما صح بس بردو و بعدها سبيهم و اختاري صحاب ع الحلوه و المره صعب تلاقيهم بس ادعي كتير و ان شاء الله هتلاقيهم و افتكري دايما ان ربنا خلقلنا العلاقات ال هي الصحاب او الزواج او العيله عشان تهون علينا الدنيا شويه مش تصعبها و معلش لو طولت يحبيبي🍰

Cherry_32410 🇲🇦 · Answer

لا لا غلط العلاقة بتنتهي بهدووء لكي لا تكون بينكم عداوة عادي فترة ومرت مننساش الحلو لكن لازم يكون برود في العلاقة تقل الكلام والمعاملة شوي بشوي حتى تنتهي بهدوء تام  كأنك كنتو بتتكلمو كثير تتكلمو أقل وتجاوبي على قد السؤال فقط مش لازم ترغي كثير وفعلا هيك بتكون انتهت العلاقة وتشوفي رفقة كويسة تقضي وقتك معاهم