مش عارفة هيكون فيه فايدة من الحكي او لا بس هحكي مجرد فضفضة من وانا صغيرة وانا بتعرض للرفض مكنتش البنت الجميلة ولا اللي بتلبس حلو كنت عادية حواليا بنات و ولاد جُمال ما شاء الله عليهم مكنتش بفكر او أقارن بيني وبينهم بس كان بيجيلي احساس بالرفض من اللي حواليا لا مش عاوزينها تلعب معاها مش بنحبها دا تقريبا كل اللي فاكراه عن طفولتي كبرت وملامحي بدأت تبقى مقبولة بقيت احبني عادي ونسيت اصلا كل الكلام دا كان بيحصل اعجاب بيني وبين ناس تانية بس من بعيد يعني لحد ما في مرة حد جيه قالي انه معجب بيا وبعد فترة هيكلم اهلي وقعد يقنعني ويطمني و هصونك و الكلام الجميل دا كله فجأة كل دا اتسحب اصل الظروف اصل الدنيا طب نخلينا مرتبطين لحد ما الدنيا تظبط مرتبطين ديه بالنسبة له عاوز مسك ايد و حب وأحضان والشغل دا ودا غير مقبول بالنسبة لي ف لما نهيت الموضوع رجعت اسأله كان هين عليك تمسحني من حياتك لمجرد انك عاوزنا مرتبطين بشروطك ، رده كان انه لا كان فيه سبب تاني اصل انا عاوز حد بجسم معين ويكون بيهتم بنفسه ملحوظة مكنتش بضحك عليه اطلاقا من اول ما شافني ميك اب بتاعي بسيط ممكن اللي زاد اني كنت برجع من شغلي اخر اليوم ف طبيعي مرهقة ، غسلت وشي حاطة روج بس تعليقه كان ليه متحطيش ومتعمليش وجهة نظره اني مهملة في نفسي ودا كان ارهاق فقط بسبب الشغل انا جاية على نفسي عشان اشوفك تقوم قايل كدا، المهم برضو كان شايف جسمي انا قصيرة شوية فطولي مناسب مع جسمي + انت اللي جيت قولتلي معجب بيكي وعاوزك مش انا انت اللي اقنعتني بيك وقعدت تلح ف ليه؟ المهم للاسف ساعتها مردتش عليه واكتفيت اني امسحه من حياتي وبلوك من كل حنة المشكلة دلوقتي اني حاسة بالرفض من كل اللي حواليا وافتكرت اللي حصل معايا وانا صغيرة + الصحاب بيختفوا واحدة واحدة كل حبة في شلة ف حاسة بالرفض اكتر، المشكلة اني عندي صحاب كتير جدا بس مش اولوياتهم مش عارفة ليه كتير بحس بالرفض واني مش اولوية واني محدش هيحبني! حاسة بمشاعر داخلة في بعض مش عارفة الجأ لمين يساعدني دماغي بتفكر كتير اوي اوي على الرغم ان شغلي مرهق جسديا و ذهنيا يس اخر اليوم دماغي بتفكر كتير اوي مش عارفة اوقفها الحمد لله قريبة من ربنا بصلي دايما وبقرأ قرآن بس بحس كل دول مسكنات مش حل!

0

4