مش اول مره اكتب ولا احكي هنا حاجه .. بس دي اخر مره هكتب فيها لاني قررت اختفي و ابعد عن الناس كلها و اسف لو هطول شويه بس حبيت احكي الي خنقني لعل وعسي الكلام دا يكون لي حل او يكون اول خطوه ليا اغير فيها نفسي انا شاب عندي 21 سنه .. كان عندي من صغري تأتأه و كانت اختفت من فتره كدا و رجعت تاني بسبب الحوار الي هحكي دا كان ف حياتي بنت و ارتبطنا 5 سنين ونص .. كانت حياتنا كلها ذكريات و حب و حاجات حلوه وانا كنت مقرر اني هتجوزها وكنت بشتغل عشان اقدر اظبط الدنيا و اكون كويس عشان اهلها يوافقوا عليا كانت كل حاجه حلوه لغايه م هي دخلت الجامعه .. ابتدات تتغير عليا .. سكوت - ردود افعال غريبه - خناقات بدون سبب انا كنت بحبها ف كنت بتعامل عادي اللي هو كام مشكله و بتتحل كالعاده لغايه م هي قررت تاخد خطوه ف انها تبعد ... بعدت و مخدتش رايي حتي ف حاجه زي كدا بعدت عني وهي عارفه اني بحبها واني محتاجها ... لان وقتها كنت سايب الشغل و معايا مشاكل فالبيت وهي عارفه كل دا بس كانت اسبابها مختلفه للبعد ( مالناش نصيب - تعبت نفسياً - انت متحكم بزياده - بتغير جدا عليا ) بغير عليها ك راجل طبيعي .. بس لما رجعت بدماغي لورا افتكرت ان هي فالجامعه عندها بروچيكت و برزستيشن و حاجات كتيره تخلي اي ولد يكون فالجروب معاها ف الحاجات دي و لما بعدنا صاحبتها كلمتني قالتلي ان هي عايشه حياتها و ان جروب البروچيكت بتاعنا فيه ولد و هي وافقت ( كانت بترفض الاول عشاني ) ... لما سمعت الكلام دا استغربت جدا اشمعنا انا موقف حياتي و قاعد وهي مبسوطه و كمان بنسبالها عادي و بتدخل ولاد حياتها وانا موقف حياتي و مش بكلم بنات عل امل اننا نرجع بس مقولتش حاجه من وقتها و كل م افتكر سيرتها مش بقول غير حسبي الله ونعم الوكيل فيها ولا اكتر ولا اقل لان عمري م هنسي وجع قلبي و نغزات قلبي كل يوم ولا عمري م هنسي تفكيري فيها و خوفي عليها كل يوم ( ف دماغي بقي انها مش هتعرف تتصرف منغير م نكون سوا زي م اتعودنا ) .. و بسبب دا التأتأه رجعت اوحش من الاول بكتيير بس انا عمري م هسامحها و ف نفس الوقت مش قادر اتخطي مش عارف اتخطي ازاي اصلا و الحوار عدي عليه فتره كبيره ياريت لو حد عنده حل بجد يقول .. كلام بقي هي متستهلكش و هي خسرتك بقيت احسه مش بيقدم ولا بيأثر فيا

0

5