مش متقبلين إن الإنسان يقع ويرجع... علاقة خد وهات

Apple_88867 🇪🇬

منذ يوم واحد

شعور لا مبالٍ

موضوع:

قرارات من الأهل كانت سبب في تغير حياتك

مش قراراتهم راغبتهم في المثاليه وعدم تقبلهم انو الانسان ممن يجي عليه وقت ويقغ وبعدين يرجع هما مش متقبلين دا انت بتاكل وبتشرب وبتلبس وبيدفع عليك فلوس ورينا بقا علاقه خد وهات مبنيه على ولا حاجه

مشاعري مش مظبوطة.. بحس إني زي الروبوت

سعات بحس اني معنديش مشاعر ، مش بحس او بتفاعل زي الناس الطبيعيه ، سعات بكون زي الروبوت الي معندهوش اي مشاعر خالص و لو اي حصل مش هنزل دمعة واحدة حتي ، و سعات بحس ان مشاعري متراكمه اوي و اطلعها بطريقة فظيعة بتسبب ليا مشاكل كتير ، يعني لما جدي الله يرحمة مات ، معيطتش ف جنازته خالص ، حاولت اعيط لدرجة اني اذيت نفسي بس مكنش في اي مشاعر عارفة اطلعها خالص ، و كل الناس وقتها قالتلي اني معنديش دم ، و ف مره كنت بعمل شاي و اتحرقت و اتفلقت من العياط ، حرفيا عيطت 8 سعات لحد م مبقتش عارفة اعيط تاني ، سعات ممكن شخص يستفزني و انا محسش باي حاجة و سعات لو حد بصلي بس اتعصب و اقلب الدنيا ، انا مش عارفة دي هرمونات ولا لا بس الموضوع زايد اوي مش زي الي ف سني مثلا او زي البنات الي بردوا هرموناتهم مش مظبوطة ، و كمان موضوع محسسني اني غريبه اني محستش باحساس حب ولا اشتياق لاي حد خالص ، عمري مجربت الاحساس دا مهما كان الشخص دا قريب مني ، يعني لو الشخص دا ممكن نقول اختي او اخويا دايما بتعامل معاهم كل يوم و عايشه معاهم حرفيا ، بس لما ببعد عنهم اسبوع او حتي سنه مبيكونش عندي اشتياق ليهم ابدا ، ولا بحس اني بحبهم او زي ما بيقولوا اننا بنحس بقيمه الشئ لما نفقدة ، عمري محسيت كدا خالص ، و لا حبيت شخص بجد ، مش عارفة الاحساس دا اصلا المفروض يكون عامل ازاي ، يعني انا كان عندي واحدة صحبتي نقول ان اسمها جني ، جني من ابتدائي و هي معتبراني الصديقة المفضله عندها ، بتحبني انا كأقرب شخص ليها ، بس انا عمري محسيت تجاهها بنفس الحاجة ، او اي صاحبه تانيه عمتا ، كانت بتتقربلي و انا مكنتش ببعدها علشان متزعلش ، بس ف وقت لقيتها بدأت تزود اوي ف حبها ليا ، كأنه حب مرضي ، مش عايزاني اروح حته منغيرها ولا اروح درس و هي مش موجودة فيه ، لما بيكون عندي صاحبه تانيه تزعل و تتقمص بالاسبوع و انا المفروض اصالحها باي طريقة ، و بالنسبه ليا دا كان شئ مرهق لابعد الحدود ، و ف مره نزلت استوري مع واحدة صحبتي علشان عيد ميلادها و دا كان شي من التوجيب معاها لانها عملت نفس الحاجة معايا ف عيد ميلادي ، جني قلبت الدنيا و اتصلت بيا تعيط و تقولي انتي خاينة و كلام كتير مش فاكراه بصراحة ، و بردوا محستش باي حاجة و لا حتي الذنب ، كنت بس حاسه انها مكلبشاني او حطاني ف قفص اسمه صداقة مش عارفة اطلع منه ، وقتها اتهورت شويه و قولتلها انتي دمرتي حياتي و مش عايزة اعرفك تاني ، و جني عملت تقريبا مهرجان ، قعدت تعيط و تصوت ، و بعد ما عملتها بلوك و كنت اصلا نقلت من المدرسة الي احنا فيها مع بعض ، صاحبه لينا احنا الاتنين كلمتني و قالتلي اني بعد م قفلت معاها دخلت المسشتفي ، عملت نفسي مخضوضة و يالهوي ايه الي حصل و الف سلامة و انا مش حاسه بأي ذنب او حزن و لحد دلوقتي مش حاسه باي اشتياق او حب ليها بعد ما بعدت عنها ، بالعكس حسيت براحة غريبه اني مش ملزومة اطبطب علي حد ، مش عارفة انا كدا طبيعيه ولا لا و هل في حد بيحس نفس الي انا حساه ولا لا ، و لما اصلا بحس حاجة اتجاه شخص بتكون مشاعر سلبيه بس ، تقريبا دي الحاجة الوحيدة الي شغاله فيا ، احس بالكره بالاشمئزاز بالغصب بس ، بس عمري محسيت بحب ب سعادة حقيقيه او عممري ضحكت من قلبي بجد ، و لاحظت ان موضوع الاحساس بالنسبه ليا مرتبط بأشياء ماديه ، يعني لما اجيب هدوم جديدة او اعمل شعري او اي حاجة تانيه ، بحس ب سعادة ، اما تجاه الاشخاص ف مش بحس غير بمشاعر سلبيه بس ، حاسه اني شخص وحش و مادي بس دي مش حاجة انا متحكمه فيها ، المشاعر مش بأيدينا و مش هعرف اخلي نفسي احب حد ، من فضلكوا مش عايزة اي حد يحكم عليا ، او احكموا براحتكوا مش هحس بالذنب بردوا ، هي حاجة مش بايدي اصلا ...عرض المزيد

2 الدعم

6 نصيحة

هل تغير سلوكها يعني حاجة ولا أنا بتخيل؟

انا مصاحب واحدة وفي فترة من الفترات حسيت بمشاعر تجاهها ورحت كلمتها بس هي مش بتحس نفس الحاجة بس علاقتنا مستمرة لحد الان وكل مرة بتطور اكتر انا ما كنتش با اقبلها كتير بس كل مرة كنت بشوفها كنت بشوفها بلبس عادي جدا زي بتاع البيت ما كانت مهتمية بنفسها يعني ومن زمان وهي كل مثلا ما اقول لها نتصور مع بعض كانت تقول بلاش مش حينفع وعلى هادا الاساس بس اخر مرة شفتها الموضوع دا كلو اتغير مش عارف السبب جات لبسة حلو حاطة مكياج وعطر رحنا اتمشينا تقريبا لوحدها طلعت تلفونها وبدات تصورني ونتصور فيدوهات انا وهي وكان يوم جميل فعلا فا انا بسال هل دا في معناة حاجة ولا انا بتخيل ...عرض المزيد

11 الدعم

7 نصيحة

مش عارفة أفهم لو في مشاعر متبادلة مع اللي بتعرف عليه

اتعرفت على حد و نزلنا مرتين احنا لسة حرفيا عارفين بعض انا بطبعى متسرعة شوية و بدخل ب بوزى بس بحاول اقلل من ده و مش باين(اوى) من برا هو عاجبنى اوى اوى بس هو مش مبينلى حاجة بردو فانا مش فاهمة هتقولو ما لسة بدرى اوى هقولكو انا عارفاه من dating app فا اكيد فى اعجاب بس بنتعامل على اننا صحاب و الدنيا لطيفة و سهلة و انا عايزاها تفضل كدا هادية فا اعرف منين لو فى حتى mutual spark خفيفة عشان متسحلش مع حد مش قادرة للكلام ده ...عرض المزيد

5 الدعم

3 نصيحة