مقدرتش أفرح أهلي ووقفت في الامتحان.. نفسيتي زي الزفت

Coconut_52562 🇪🇬

منذ 4 أيام

شعور ضائع

مقدرتش اصارح ابويا وامي كنت حاطط عيني اني هرتب على الدفعه عشان افرحهم مش عارف العيب فيا ولا الوقت مش كافي فعلا انا كنت بشرح للعيال الماده على اليوتيوب العيال باعتالي بعد الامتحان تقولي فيديوهات جه منها الامتحان المشكله انا موقفش معايا ولا سؤال بس مكملتش الوقت خلص نفسيتي بقت زي الزفت من اول الماده الله المستعان في الباقي انا طار مني سؤال ب ١٥ درجه عملت اقل من ربعه يارب الدكتور يعطف عليا ب خمس درجات حتى مخنوق اوي والله ومن ساعتها هربان بالنوم نايم بقالي ١٠ ساعات مثلا رجعلي احساس الخنقه بتاع امتحانات ثانويه عامه وتقصيري وبجد مش قادر وحقيقي مهما عملت ادركت اني عمري ما هنسى ولا هسامح نفسي على الثانويه 💔

احساسي ان الله يحبني وبيعيني

نعمه من ربنا انه بيعيني على كل حاجه ف كل الليالي ال كنت بقول مستحيل تعدي وعدت بفضله ف كل أذى شوفته واترد فيهم وافتكر آية {لا يضل ربي ولا ينسى} مش بينسى كتمان الأذية ولا الصبر على أي حاجه صعبه على نفسي ومش بس كدا دا احنا بنؤجر على كل لحظة قاسية وكل دمعة وكل معاناه وكل صبر شعور الإنسان ف اضيق لحظة عليه ان الله يمن عليه ويصاحبه طول دنياه وآخرته حرفيا من احلا المشاعر ال حسيتها هو احساسي ان الله يحبني من مواقف كتيرة بتحصل معايا رب الكون يراني انا! انا الذرة المنسية عند البشر وينظر ليا ويحبني ويسمعني ويحرسني وييسر لي ويدبر أمري ويعلم مخاوفي وخفايا نفسي رغم اني مقصرة اوووي فعلا احنا مش مدركين اد ايه ربنا رحيم بحالنا منعرفش ازاي بيسخر المواقف والأحداث والمفاجآت منعرفش ازاي يبعد عننا حاجه بتحبها لشر مش مدركينه وازاي بيقرب حاجه مش بتحبها لخير منعرفهوش ف الحمد لله على ما لم نحط به خبرا سبحانه ما ارحمه! وما أحوجني. ...عرض المزيد

6 الدعم

1 نصيحة