طب و بعدين يا جدعان بقالي فترة كويسة ملتزمة دينيا و. بحفظ قرآن و مهتمة بالصلاة في وقتها و قيام ليل و كدا لغاية امبارح يدوب قعدت لوحدي كام ساعة لقيت نفسي بنزل التطبيق دا و بتكلم مع حد عن حاجات اقل ما يقال عنها انها قليلة الادب و المشكلة اني كنت مستمتعة كمان و مش حاسة ب أي نوع من انواع الذنب لغاية ما خلصت و نمت و صحيت على اذان الفجر زي ما متعودة عشان الصلاة لقيت اني مش هينفع اصلي غير لما اكون طاهرة و كسلت و نمت و لسه صاحية دلوقتي و هموت من الاحباط و الاحساس بالقرف من نفسي و تصرفاتي و زعلانة اني مقدرتش اتحكم في نفسي و انا كنت فاكرة اني خلاص بقيت شخص احسن و مش هغلط تاني، بجد نفسيتي متدمرة حاليا و مش عارفة افوق ازاي و اخلي ربنا يسماحني اقنع دماغي الغبية دي ان مش اول ما الظروف تسهل الذنب اجري اعمله و كمان عندي فاينل بعد كام يوم و مش فايقة اذاكر. لو حد عنده حل من غير ما يحكم عليا ياريت يفيدني و ربنا يجازيكم خير.

2

24