يا خو أنا كي نكره هاد التظاهرات لكبار تع les nations خاصة لي يكونو فيهم العرب و الأفارقة والله ما في باطل .. علاخاطرش في هاد les tournois راح يولي لي يسوا ولي ما يسواش يتبعها و يطلق غمالتو فيها حتى تولي سامطة رهج .. و يدخل فيها مصطلحات و خرافات حتى تخرج عن نطاق الكرة والرياضة .. عيباد ماشي passioné نساء خاطيهم قع الكرة يشوفو زكارة و يدخلو يكومونتيو.. صفحات كعب يحكيو في كلش الا كرة القدم ..ولكباش فالتعليقات تطلق فالسكريات ديالها .. دراما كبيرة تصرى شعوب ضد شعوب و ما يعجبهمش الحال كي تشجع فريق آخر على حسابهم و يدخلوها فالعنصرية و الحقد والغيرة .. par contre كي تشوف مثلًا des tournois كيما رابطة الابطال للأندية ولا الكونفدرالية.. تشوف غير عيباد متعصبين لنواديهم مكاش حس كبير فالصفحات أنصار الإتحاد راحو للمغرب شحال من خطرة راحو ربحو في مباريات مصيرية و ولاو ما صرا والو.. كلش يصرا فالمدرجات .. سياربي راحو لتونس و مصر ولبلدان إفريقيا كيف كيف صراو عفايس يبقاو بيناتهم مكاش دراما و غمالة فلي ريزو انصار المولودية كيف كيف و مام لمصاروة و لمغاربة و توانسة جاو للجزائر عندها سنتين فقط .. هادو قع لوكان جاو يحكيو و يوثقو قع واش يصرى معاهم في هاد الخرجات تقدر تخدم سيري تشريها عليك HBO و Netflix بالملاير.. هاكداك و كلش عادي و داخلة فالشغف تع كرة القدم الشعبية ..و كاين حاجة ما تتبدلش و كاينة في قع العالم انت rivale ديالي في كرة القدم نتمنالك الاسوء و نتمنالك تخسر .. يا خو نتمنى من كل قلبي ينحو هاد البطولات تع les nations لي تفرق الشعوب لي تخمم بالمؤخرة ديالها و دخل السياسة فيها نحي عليا كوب دافريك و كأس العرب حتى كأس العالم كارها يقصيو المنتخبات العربية تع ..

1

1