شفت خطيبة صاحبي مع واحد تاني... هقول له ولا هتجنب المشاكل؟

Banana_76647 🇪🇬

منذ 4 ساعات

شعور آسف

انا دلوقتي قاعد في كافية و في واحده انا اعرفها مخطوبة لواحد صاحبي قاعدة مع واحد تاني و لما اخدت بالها مني قامت و خاتده و مشيت المهم دلوقتي اقوله و لا هدخل نفسي في حوار ..... كتبستمليسىنتلؤسسىتنبيسبنايسىتبسسينهفيؤومليبنايؤرننتليسىنغيرتعيؤزايسىتلسؤةنلؤسهايىومليرزلؤ

مش عارفه أنصح صاحبتي في العلاقات المحرمه ولا أسكت؟

انا من عادتي ما كنتش بحب ان انا اصاحب البنات اللي كان ليهم علاقه بحاجه يعني بتغضب ربنا اذا كانت علاقات محرمه او اي حاجه عموما بتخلي ربنا يحط غضبه على الشخص ده وانا كان عندي واحده صاحبتي كانت قريبه مني جدا وصاحبتي دي للاسف ان هي كان ليها علاقه بالعلاقات المحرمه يعني كانت بتكلم ولاد ومش اكثر حتى من ولدين او واحد كانوا فوق العشر ولاد كانت تعرفهم، كانت قريبه مني جدا فقررت ان انا انصحها وافهمها ان ده حرام وان هي كده بتخلي ربنا يغضب عليها وان هي تتوب وترجع لربنا وحاولت معاها غالبا اكثر من سنه او سنه ونص بنصح فيها ومش عارفه اعمل ايه مش عارفه اقول لاهلها ولا لا انا حاليا انا علاقتي مقطوعه بيها ولكن معايا رقم باباهم ومعايا كمان رقم اختها ولكن انا مش عارفه ادخل نفسي في الحوار او اللي هو اقول لاهلها على المواضيع دي كلها عشان يخلوا بالهم منها او يعني اللي هو يفتشوا في موبايلها او كده لكن انا مش عارفه ان انا اتكلم وادخل نفسي في الموضوع ولا افضل ساكته وهم يكتشفوا لوحدهم ولا لا لان هما قفشوها مرتين وهي بتعمل كدا ولكن كان البيت كله يعلم ما عدا باباها ميعرفش بكل دا، ف انتم شايفين اني اقول لأهلها ولا اعمل اي لأني سيبتها بسبب اللي هي فيه ولكن ضميري بيأنبني لما بفتكر اني مش معرفه اهلها بحاجه زي كدا، وبتمنى منكم رد لأني مش عارفه اعمل اي. ...عرض المزيد

9 الدعم

4 نصيحة

زعلان من نفسي ومش عارف أعمل إيه بعد حوار الإجابة

مش عارف انا بقول ايه دلوقتى محدش يهتم اقلب علي الي بعده كان في موقف حصل معايا مع مدرس الرياضيات في السفارة كان راجل محترم وانا كنت بحبه اوي المهم كان في امتحان وانا حليت كله صح الا سؤال واحد وكان بدرجة وانا مكنتش فاكره وكنت ان دا بس الغلط الي عندي و الباقي كله صح فلما خلصنا الامتحان قالي تعال فرحنا الدور الي فوق في المدرسه وكان بتوع ١ و ٢ ثانوي بيمتحنوا هناك فجاب الورقة بتاعتي و حطها علي ديسك عيل من العيال تقريباً كان ابنه مش عارف الصراحه وقالي جابلي قلم وقالي غير الاجابه انا من الصدمة مكنتش عارف اعمل ايه، مستحيل هو بشخصيته دي يقولي اعمل اعمل كده ( هو كان استاذ كويس و صارم) فستغربت و وقفت شوية كده وقولتله لا مش هغيرها وهو يقولي غيرها، فقلتله انا عارف ان معنديش غلطه غير دي و الباقي كله صح قالي ماشي ومشي اليوم الي بعده لقيته داخل الفصل مش فاكر بالضبط ايه الي حصل بس قال ليا قدام اصحابي :انت عليت في نظري اوي كنت فرحان الصراحة و مكسوف مش عارف ارد اقوله ايه و العيال بتسالني عملت ايه وهو قالهم دي حاجه بيني و بينه وتدور الأيام وكنت بمتحن من يومين امتحان عملي المفروض قاعد مستني نتيجة تجربه و اكتب هي ايه فقعدت وخلصت وجيت سلمت الورقة لقيت الدكتوره بتاعه السيكشن خدت الورقة ورحعتني تاني مكاني و كانت عايزاني اغير الاجابه لانها كانت عارفه الصح فنا زي العبيط وانا مكنتش مقتنع بالي هكتبه اصلا قمت كاتب الاجابه الي هي عايزاها و المشكله انها رجعتلي الورقة وكان جمبي بنت و قدامي بنت سيبك من اني مش عارفهم و مش عارف حد في السيكشن غير ٣ او ٤ ولاد اصحابي بس ازاي تعمل كده وقدامهم وانا زي الغبي غيرت الاجابه انا لما طلعت بره كنت مقروف من نفسي خالص ولما افتكرت المستر بتاع الرياضيات زعلت اوي من نفسي واني ازاي وصلت من كده و بقيت كده انا حاسس دلوقتى اني مديون لها ودي حاجه مش مريحاني + عايز برضو في الامتحان الجاي بتاع نظري العملي اشوف سؤالين بنفس الدرجات بتاعه الاجابه الي غيرتها دي وانقص نفسي فيهم بس يكونوا سؤالين انا عارفهم و متأكد من اجابتهم و مكنتش عايز اكتب اي حاجة من دي علشان بحس اني لو كتبتها ربنا هيزعل مني او مش هيسترها معايا تاني بس في نفس الوقت مش قادر مقولش لحد لأني مش عارف اعمل ايه ولما اصحابي طلعت قولتلهم شفت نظرة الي هي، ازاي الدكتورة تعمل معاه كده و معرفش ايه و الكلام ده محدش قال حاجه بس دا الي حسيته وبجد انا زعلان من نفسي و مش عارف اعمل ايه و مش عارف اقولها برضو حضرتك عملتي كده ليه لاني لما رحت اقولها انا كتب الاجابه التانيه دي ليه و كان صاحبي معايا و هي الادفيزر بتاعته قالتلي بس انا انقذتك اهه طب هي دلوقتى غلطانه ولا انا الي غلطان اني بفكر في المسئله دي بالطريقه دي و كنت اسيب الامور زي ما هي وخلاص و الي حصل حصل انا مش هلومها في حاجه انا كان ممكن اخد الورقة واسلمها تاني من غير ما اغير الاحابة بس معملتش كده ومجاش في دماغي اعمل كده ساعتها علشان كده انا مدايق دلوقتي ...عرض المزيد

6 الدعم

4 نصيحة

عملت غيبة في مدرس وندمانة.. أعمل إيه؟

جماعه انا في تانيه اعدادي عندي 15 سنه المهم اني بنت و في مدرسه خاصه بابا دخلني فيها من سنه 4 ابتدائي كلامي من هنا بقا اني اخدت مع مدرس بيدينا في المدرسه ادانا سنه خمسه و سته و اخدت معاه درس أولي اعدادي بس بأنانه مكنتش بفهم منو الهندسه ، هو مدرس رياضه انا دلوقتي هروح لمدرس تاني اشطر بس المدرس اللي هروح ليه ده انا غبته و اتكلمت عليه مع المستر اللي باخد عنده درس و قولت انو مش بيعرف يشرح و انو بيفرجنا علي ريلزات في الحصه و كده و للعلم دي حقيقه معدا انو مش بيشرح كويس لانو ممتاز الحقيقه بس انا كنت بقول كده للي باخد عنده درس عشان اقول اني بعرف اميز و كده يعني عشان ابان جامده بس السنه دي فهمت أنها غيبه و انو حرام و أن اسمها قله ادب مش جامده ولا حاجه انا عايزه احل الموضوع ده قولولي رأيكوا اصارح المدرس الجديد اللي هاخد عنده ولا اعمل ايه ؟ معلومه بقا المدرس اللي انا باخد عنده درس ده دايما كان بيقول علي المدرس التاني ان مثلا متسمعيش منو المعلومه دي او مثلا اسمعي المعلومه دي مني بس و كده لان اللي هاخد عنده ده عندنا في الفصل وكده بلاش حد يتجاهلني عشان خاطري ...عرض المزيد

1 الدعم

4 نصيحة