أنا حقيقي فاض بيّ الذرع وجاي أفضفض معاكم عشان نفسيتي م بقتش مستحملة الاستعلاء والتقليل اللي بشوفه كل يوم تحت مسمى الشغل ومصلحة التيم.. أنا راجل بحترم نفسي وبحترم شغلي وبحترم الأصول اللي اتربيت عليها لكن الصعب إنك تتعامل مع حد (زميلة أصغر مني ااه هي اكبر مني في البوزيشن بس صغرت في عيني) فجأة نضارة الرجولة عندها مابقتش تشوف غير شخص واحد(خطيبها )بس وبدأت توزع ألقاب زي ذكر بالبطاقة على أي حد تاني وكأن الرجولة دي مش مواقف وسعي وشقا وتعب! الموضوع وصل لمرحلة مستفزة جداً لما تلاقي حد بيتعامل معاك كأنك Subject أو مادة خام للتجارب مش بني آدم ليه كيان وكرامة ولما تمدحك تمثيل عشان مصلحة الشغل ولما تيجي تتكلم بكلمة حق عن الأصول والرجولة تلاقي الوش التاني خالص وحركات استفزازية بالإيد كأن كلامك ملوش لازمة أو أنت متجيش حاجة في اللي ورايا.. الموضوع بيوصل لقلة ذوق إنها تتعمد تهمشك وتحطك في آخر القائمة دايماً في الـ Coaching والـ Feedback وكأن وقتك ومجهودك تحصيل حاصل أو سد خانة في آخر اليوم لما طاقتها تخلص.. الوجع الحقيقي مش في ضغط الشغل الوجع لما تلاقي حد بيستغل أصلك وطيبتك عشان يمارس عليك سلطة نفسية مريضة.. إنها تنصحك بالصلاة وقراءة القرآن ومذاكرة الـ Info مش عشانك لكن عشان تضمن إنك ترس شغال لمصلحتها هي بس.. أنا في رمضان وبراجع نفسي ومش عاوز أشيل غل من حد وبقول ربنا يديها على قد نيتها بس بجد كلمة ووجعت.. إحساس إنك محطوط في مكانة زبالة وتهميش متعمد بيخلي الواحد يسأل نفسه هو إحنا ليه بقينا بنشوف الناس كأنهم أدوات مش بشر؟ أنا اتعلمت إن الناس فترات بس الفترة دي تقيلة قوي على قلبي.. أنا مش محتاج حد يطورني إنسانياً وهو معندوش أدنى مبادئ الذوق والإنصاف.. محتاج بس أحس إن فيه حد فاهم الوجع ده وإن الكرامة أهم بكتير من أي مسمى وظيفي أو نجاح مبني على كسر خاطر الناس. ربنا يديها على قد نيتها لان بجد الموضوع وصل لمرحلة مستفزة

0

0