5 شهور عدوا ومفيش شئ أتغير لسه برضه بتوه وبفكر كتير لسه تايه ومخدتش خطوات لسه حاسس اني متغيرتش وهو انا فعلا متغيرتش لسة بخدر نفسي ولسه بحاول اتكلم واحرق ف الموضوع ولسه عندي إحساس بالذنب اني اذيت اللي كانت خطيبتي برغم ان اللي عملته كان رد فعل لكشفها اسراري وطريقتها هي واهلها حسستني بالعجز والذل وإنعدام القيمة لسه تايه والله العظيم وما عارف اعمل اي شفت بدل المعالج 3 و4 وبدل الطريقة كتير وتمارين وتفريغ وكل ده ومفيش تحسن إمبارح بالليل صحيت اصلي قيام الليل وادعي انها ترجع ويحصل معجزة ما بس هو الفكرة كلها انها 100 ٪ بقت مع حد تاني ومش بعيد تكون اتخطبت وانا لسه هنا مكاني عمال خايف وعمال اعيط زي العيال ولسه بتمني لو كان اقدر اعمل حاجه عديت الصدمة والمشاعر القوية دي لكن التقبل لسه مش عارف أوصله معطل شغلي معطل نفسي معطل مذاكرتي بضيع نفسي وفلوسي وصحتي ووقتي ومش قادر لا عارف انتظم ف الصلاة ولا المذاكرة ولا اي شئ حياتي خربانه من كل النواحي وكل ده انهار بس عشان حد قرر يتخلي عني لا عارف اعالج البوردرلاين ولا التعلق ولا الغضب ولا اي حاجه ولا عارف اسامح نفسي ع كوني كدا حاولت اتعرف ع ناس جديدة بس واضح ان شخصيتي اسوأ من انها تبقي ليها صحاب ادعولي رجاء وانا بفكر انزل اسكندريه واللي هي بلدها عايز اعمل ذكريات جديدة ف المكان لكن برضه خايف الوحده تخليني اروح اتعب اكتر وافتكر اكتر واندفع بتصرفات تعمل مشاكل اكتر

2

4