عندي مشكله بقالي خمس شهور مقدرتش أجلها هحكي الموضوع باختصار احنا كنا عايشين فبيت ايجار من كام سنه وخلاص قررنا أننا نرجع بيتنا القديم الي اتربينا فيه بس البيت صغير وانا بنت واحده علي ولدين وفعلاً الاوضه مكنتش واخده اخواتي الولاد الاتنين مع بعض ف بابا قال إني هقعد مع تيتا فالبيت بما انها قاعده لوحدها وفي عندها اوضه فاضيه المهم استقريت وقعدت معاها وكنت مرتاحه بس اوقات ولاد خالو كانو بينزلو عند تيتا يبهدلولي اوضتي ويرخمو عليا لحد ما انا بقيت ازعقلهم وخلاص بس مرات خالي مهديتش وكانت عايزه تخليني امشي عشان تقعد فالبيت كلو لوحدها هي وعيالها ف كانت اوقات تفصل عليا النت وهي بتذاكر تدخل ترميلي اكل علي السرير ومعرفش انام لحد ما خلت عيالها يشتموني فمره وراحت قالت لخالي(خالي مسافر شغال بره مصر )ان انا الي بشتمهم وبضربهم وامي بتدخل ف حياتهم ف خالو منغير ما يفهم اتصل علي ماما واتخانق معاها ف ماما راحت خدتني من عند تيتا ولمت حاجتي كلها وخدتني البيت القديم انا كده كده كنت هقعد معاهم بس فتره محدده لأن تيتا ومرات خالي وولادها كانو مسافرين لخالي ف البيت هيبقي فاضي فكنت هرجع لتيتا تاني لما ترجع من السفر دلوقتي امي رفضت خالص اني أرجع وانا مش مرتاحه خالص اخويا الكبير نزل يقعد فالدور الارضي القديم بتاع جدو وتيتا المتوفيين وانا قاعده فنفس الاوضه مع اخويا الأصغر مني هو مش صغير هو ما شاء الله 14 سنه وانا داخله فال17 أنا مش صغيره وبرضو انا مش مرتاحه فالبيت هنا البيت صغير مش عارفه اخد راحتي حاجتي كلها محطوطه ف اكياس ومتبعتره فكل مكان مش واخده راحتي وقت النوم مش بعرف انام انا بنت وكبيره مش صغيره وبرضو امي شاده عليا لو عليها عايزه تخليني اقعد بالطرحه فالبيت وكل شويه تقولي عيب ومش عيب مع أن الي موجودين اخواتي وبابا بس مفيش حد غريب وانا بصراحه مش بلاقي حل غير اني انام وأعرب منهم بنام من الساعه 8 واصحي اروح المدرسه وأخلي دروسي طول اليوم واخلص وارجع اكل وانام وحياتي صعبه بدأت اتعب من كتر النوم ومش مرتاحه ابدا عايزه حل اقنع بيه اهلي اني ارجع مع تيتا تاني اصلا تيتا خلت مرات خالي وعيالها لوحدهم يعني مبقوش ينزلو عندها ومحدش بيدخل اوضتي دي بس انا مل ما اروح واشوف التراب مالي الاوضه غصب عني بعيط وبزعل صراحه شايفه انو قرار غبي ان يكون عندي مكان واسع وحلو واروح احشر نفسي فمكان ضيق وكل ما اكلم اهلي في الموضوع خصوصاً أن انا السنه الجايه شهاده ومش هعرف اذاكر على الوضع ده امي تقولي هتنزلي تحت الدور الارضي وانا مش هقدر اقعد فيه بقولها اقعد عند تيتا بترفض ومفهماني ان الوضع ده هيفضل لحد ما نخلص نبني البيت الجديد الي غالبا لساله 3 سنين علي ما يتبني يعني تخيلو ابقي فالجامعه ولسا محشوره فنفس الاوضه مع اخويا الي هو برضو بيكبر ومش واخد راحته ومحدش فينا مرتاح بجد

2

4