أتمنى من كل قلبى ان الليلة دى يتبدل فيها أحوالنا لحال يحبه الله ويرضاه اللى بيعمل ذنب فى السر يحاول يبطله ربنا مطلع عليك وشايف محاولاتك صلى ركعتين لله وتوب تخيل نفسك وأنت بتموت ومحدش جنبك ولا عارف ينقذك من القرف اللى حاطط نفسك فيه طول الوقت لسه فيه فرصة متخليش حد يضحك عليك ربنا حنين وجميل وبيحبك اللى قادر يسامح حد ظلمه أو أساء إليه يعمل كدا وأجره على الله حاول تطلع صدقة اليوم دا لو أقل رقم بجد بس بنية خالصة لله هتزيح عنك هموم أقرأو قرآن سمعت ان السلف كان بيقرأو يس والدخان إطعام الطعام لو فيه مقدرة تفرح حد بحاجة بسيطة اعملها لو مفيش فكل ست أو بنوتة صايمة تحضر الفطار بنية إطعام الطعام لأهل بيتها بعد ما نختم الصلاة ننوع فى الذكر بعد الفجر مثلا سبحان الله وبحمده بعد الظهر استغفر الله وأتوب إليه بعد العصر لا إله إلا أنت سبحانك اني كنت من الظالمين وهكذا حتى لو الذكر بعدد قليل بس حاول تستشعر معنى الذكر وهتحس بلذة مختلفة بإذن الله الدعاء كلم ربنا بلغتك وهو أعلم حاجتنا من نفسنا قوله ي رب نفسى أقرب منك هيألى الظروف أطلب منه وهيستجيب♥ أدعو للناس بظهر الغيب شفت عامل نظافة ابتسم له وادعيله ربنا يقويه ويرزقه أى عمل مهما كان بسيط بس حاول تكون بداية جديدة ع الموت بييجى فجأة مبيستناش ولا بيدى إنذار ربنا يتوب علينا جميعا ي ريت كل حد يقرأ يدعيلى بالهداية وصلاح الحال 💗️

8

5