أسوء عقاب ممكن تعاقب بيه روحك وتفسّد بيه قلبك هو أنّك تتعلّق ببنادم فوق اللازم، رايح تحكم على روحك بالعذاب ونتا لاخبر، وإدا تقدّرت وتفارقتوا نتا اللي رايح تطفّر فيك. إمالا دير حسابك، كامل النّاس فانية مكاش اللي رايح يدوملك لا والديك ولا أهلك ولا صحابك ولا زوجك، هدا هو حال الدّنيا آخرتها فراق، والفراق مكتوب علينا كامل «كُلُّ مَنْ عَلَيْهَا فَانٍ ۝ وَيَبْقَىٰ وَجْهُ رَبِّكَ ذُو الْجَلالِ وَالإكْرَامِ» الباقي اللي مايفناش هو ربّي سبحانو، ماتتعلّق بحتى واحد من غيرو، على خاطر اللي يتعلّق بغير الله رايح يتعذّب بيه، كيما قال ابن القيم رحمه الله "من تعلّق قلبه بغير الله عُذِّب به ولا بدّ" كاين ناس خلاصت بيهم عند بسيكياتر، وكاين اللي وصلت بيهم للانتحـ ـار. العباد تتوّنس بيهم بصح ماتتكلش عليهم، تحبّهم بصح ماتتعلّقش بيهم، ماتتّكاش على حيط راشي غير مع يريب تريب معاه، التعلّق بالنّاس هلاك بصح التعلّق بالله نجاة 🤍 يقول شمس الدّين التبريزي: تعلُّـق الفانـي بِالفانـي يُفنيـه، وتعلُّـق الفانـي بِالباقـي يُبقيـه. اللّهـمّ علِّق قلوبنا بك وحدك ولا تعلِّقها بأحد غيرك 🤲

6

2