الغريب إنك تقدر تبقى حواليك ناس كتير… وتفضل حاسس إن مافيش حد شايفك بجد. ساعات بتحس إنك بتتكلم، لكن صوتك مش واصل… وكأنك موجود بالجسد بس روحك واقفة في حتة تانية. بقيت أحاول أبان ثابت وهادئ قدام الكل، يمكن لأني تعبت من شرح اللي جوايا… تعبت من كل مرة أحاول أفهم نفسي قبل ما أفهم غيري. جوايا إحساس تاه، إحساس صعب أدوّر له على اسم… مش حزن صريح ولا وجع واضح، هو بس شعور إنك ماشي في طريق طويل ومش عارف نهايته فين. يمكن اللي ظاهر مني هادي… لكن الهدوء ساعات بيبقى علامة على روح مرهقة. يمكن أنا مش محتاج غير كلمة أو سؤال حقيقي، حد يحس من غير ما أضطر أشرح. لأن أكتر اللحظات قسوة… إنك تحس إنك تايه وسط ناس المفروض يكون فيهم ع الاقل حد فاهمك

2

3