Sugar_73060 🇪🇬's منشور

Sugar_73060 🇪🇬

منذ 3 أشهر

شعور محبط

انا اتخطبت واتكتب كتابى بعد حب 5 سنين ودلوقتي مفيش نصيب بعد ماصدمنى فيه واكتشفت انه شخص تانى غير اللى كان معايا وخذلنى بكل الطرق انا بجد مش قادرة اصدق ازاى حبيت الشخص ده ومش عارفه اتخطى ده ازاى

Mushroom_68896 🇪🇬

منذ 3 أشهر

يعني ايه انكتب كتابك ومفيش نصيب ...محصلش دخلة ؟

Carrot_72258 🇪🇬

منذ 3 أشهر

طيب ايه الي حصل عشان ننصحك في اصلا

Apple_69016 🇪🇬

منذ 3 أشهر

يعني اي الكلام لي بتقوله ده ازي الكتاب اتكتب ومفيش نصيب فهمني

Corn_63629 🇪🇬

منذ 3 أشهر

التخطي يبدأ ب إيجاد بيئة للفضفضة ثانيا يكون فيها أشخاص ملهمش مصلحة و التفاصيل تتقال و الباقي سهل الإنسان بيهدأ لما بيتكلم 👌♥️

Banana_72464 🇪🇬

منذ 3 أشهر

ال move on هياخد وقت مش قليل الحقي نفسك لو لسه متعملش الفرح و الكلام ده كل واحد ياخد حاجته و متدخليش علاقات لحد ما تتعافي بشكل كلي بعد ٥ سنين حب + فترة الخطوبة انت محتاجة وقت طويل للتعافي وقت اقله سنة و ممكن يطول لحد ٤ سنين في حال انك اعتمدتي بشكل كامل على نفسك في فترة التعافي انت بتشتغلي على نفسك و يفضل يكون معاكي اللي بيساعدك عشان متطولش فترة التعافي و يكون اقصاها سنة

ملخص المشكلة

اتخطبت واتكتب كتابي وبعدين مفيش نصيب

صدمة خطوبة مفيش نصيب خيانة خطيب تجربة حب مؤلمة أزمة ثقة وجع قلب خذلان

Avocado_53020 🇪🇬

حب عمري اختفى فجأة وما عرفش ليه!

للاسف اه كانت حب عمري من واحنا صغيرين حبيتها جدا والمشكلة اني كنت حاسس بنفس الاحساس من ناحيتها وفعلا روحت اتقدمت ليها وقعدنا في الخطوبة حوالي سنة ونص وكان خلاص فاضل حاجات بسيطة ونكون في بيتنا فجأة حصل مشاكل بين الاهل والمشكلة انها تافهة جدا ميتعتبرش مشكلة اصلا واحنا كنا بنتكلم علي اساس اننا هنصلح بينهم وكده وده والله اللي كان في نيتي يجي يوم الوقفة اختفت مرة واحدة وعيدت عليها وعلي كام واحد من اهلها والمشكلة انها ردت عليا وهما كمان ومحدش قالي حاجة وكان المفروض اروح لامها اراضيها والموضوع يخلص فجأة تختفي ومتردش عليا وتشوف رسايلي ومتردش وشالتني من عندها من كل حتة علي السوشيال والموضوع بيخلص والمشكلة اني كنت فاكرها مجبورة علي كده بعد مية ماسدچ ردت عليا وقالتلي انها مش مجبورة ومش عاوزاني انا لحد دلوقتي مستغرب اللي حصل ومش قادر اصدق من الصدمة والخذلان اللي انا فيه ومحتاج اتكلم فعلا مع حد يقولي ده ايه ويفهمني عشان انا حاسس اني تايه مع العلم انا لسه ٢٤ سنة علي كل ده🙂 ...عرض المزيد

8 الدعم

4 نصيحة

Cherry_68109 🇪🇬

حاسة إني متباعة ومخذولة بعد ما خلص مني

ازيكم الأول.. يارب كلكم تكونو احسن ووسط ناس أحسن أنا عندي 29 سنة .. طول فترة دراستي وشغلي كنت مركزة فيهم بس ، عمري ما ارتبط بحد ولا كلمت حد ولا كنت بفكر أساسا في الموضوع وشايفة أن الحاجة تيجي بشكل رسمي افضل .. كان عندي جاري وفي نفس الوقت اخويا متجوز أخته اتقدملي على مدار 3 سنين وكل مرة بابا يرفضه .. أنا كنت معجبة بيه من بعيد عادي .. شخص لطيف من سني ومن نفس مستوايا المادي والاجتماعي .. بابا كان شايف أن الجوازة دي هتجيب مشاكل .. المهم بعد 3 سنين قولت أنا هديله فرصه وبابا قال رأيه ولكن القرار كان ليا ف أنا وافقت، ودي اول مرة اعمل حاجة عكس رغبة بابا .. كان بارد المشاعر ، مش بيتكلم ، مش بيهتم ، يقولي قرار ويرجع يغيره ، أهله بيشطبو شقتي على مزاجهم وهو يقولي حقك عليا ،، حصل مشاكل بين أهله واهلي كتير وهو كان سلبي بيختفي ويقول نفس كلام مامته لو اتكلم ،، وأنا كنت مغفلة عندكم حق ،، لحد قبل الفرح بشهرين اتلككو على حاجة عبيطة وقالو إن بابا مش بيحترمهم من آلاول وانه عايز يلوي دراعهم ودا بشهادة الناس كلها محصلش المهم أنه باع في ثانية .. من غير مسج حتى حصلت المشاكل وهو اختفى لحد ما الابهات خلصوها .. وفي الاخر قالي انا عارف انك مظلومة معلش ومن ساعتها ولا مسج وولا كلمة كأني مجتش في حياته أنا حاسة اني متباعة ومخذولة ومتحبش وأنه ما صدق خلص مني أنا اسفة لو طولت عليكم .. وشكرا لكل حد عنده كلمة ممكن تساعدني 🤍 ...عرض المزيد

3 الدعم

21 نصيحة

Donut_53648 🇦🇪

اعمل ايه مع حد كان بيدعمني وانقطع عنيا فجأة؟

اعمل ايه مع حد كنت على علاقه معاه اكثر من سنتين كان بيدعمني فيها نفسيا ومعنويا وعاطفيا وحتي ما ديا وكان كل يوم بيحلف لي ان علاقتنا مش موقته وإنه لما يجتمع مع زوجته واولاده مش حا يتغير عليا أبدا وهو طبعا أولاده كانو بعاد منه لمدة قرابه أربع سنوات بسبب طلب اللجوء واجراءات لم الشمل في الفترة دي أتعرف عليا وكنت بدعمه نفسيا ومعنويا والان بعد اجتمع مع أولاده في الشهر الأول كان يرسل مرات متباعدة وبعدها انقطع عني ولما سالته قال ان احواله لسه ما ترتبت وقريب بيرجع احسن من اول وان الجوال لا يكون معه دايما و ليس علي ان اقلق لكن مر على هذا الكلام ايضاً اكثر من شهر ولم يرسل لي حتى الان علما انه كان واعدني ان يساعدني يسفرني أنا كمان البلد دي ...عرض المزيد

7 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع