بكيت من قلبي وحسيت بروقان لأول مرة في حياتي

Question

حاسه انهارده اني بعد ما عيطت من قلبي شوية حلوين اني ف روقان كده مع نفسي رميت احمال قديمة وجديده وانا بتكلم مع ربنا .. مفيش احساس جربته قبل كده ف الدنيا شبه ده .. عشان كده بقيت بطلب منه وبذات لما كبرت اني اتعلق بس بيه وميربطش قلبي ب اي شيئ متغير .. لان قلبي بقي عزيز ومش حمل كسر تاني او خذلان من حد

Avocado_59765 🇬🇷 · Accepted Answer

كلامك جميل وواقعي جدا احييكي والله🤍👏

Pistachio_90023 🇰🇼 · Answer

يارب اوصل لكدا يارب

Cherry_76643 🇪🇬 · Answer

ربنا يحبك ويرزقك قربه .. لو حابه تعرف/ي وصلت لكده ازاي. انا مكنتش بسمع لشيطاني لما بيقولي انتي عملتي كذا ربنا مش هيسمعك ايا كان الذنب وايا كان المسافه او حالتي لو اتكلمت/ي مع ربنا قبل النوم .. ربنا سامع وحاسس وفي حاجه احنا مش مدركينها انه اقرب لينا مما نتخيل .. بس الفكرة ف الصلة اللي انت بتخلقها عشان انت المخلوق تحس بقربه منك .. لكن هو موجود وحافظنا ومدينا نعم وفرص بدليل النفس اللي باخده دلوقتي

Cherry_76643 🇪🇬 · Answer

خلي علطول باب مفتوح بينك وبين ربنا مهما شفتيه فعل بسيط دعاء او حتي كلمة يارب صدقه بنية قربه وصلاح الحال حتي لو صغيره محدش عارف ايه الحاجه اللي ممكن تخلينا اقرب لربنا بس بتسعي وربنا كل ما بتسعي بيقرب منك اكتر واكتر دايما اسمعي قران القران بيخلي القلب مختلف والصلاه رقم ١ بتبعد الانسان غصب عن الذنوب النوافل بقي هتنقلك كمان درجات وكل ما هتحسي بحلاوة القرب هيوحشك اصلا ومش هتعرفي تعيشي من غير الصلة ديه

Cherry_76643 🇪🇬 · Answer

انا مش بحب انصح اوي عشان معرفش النصحيه ديه ايه وقعها علي الشخص اللي بيسمع مني بس نيتي خير وانك ان شاء الله تحسي اجمل من احساسي لو كلامي كان ليه معني بنسبالك .. واني برده مش كاملة ولا الاقرب وليا لحظات ضعف وانتكاس بس اللي صادف انهارده اني اكتب احساسي ده مش مشاعري وقت الانتكاسات سبحان الله والكلمتين دول رزقك عموما