حاسه ان مهما عملت ف حياتي مش هوصل للسعاده الحقيقه حاسه اني لو ذاكرت وجبت مجموع واشتغلت وجبت فلوس واشتريت بيوت وعربيات واتجوزت وجبت اطفال وربيتهم وكبرو واتجوزو حاسه انو برضو انا استفدت ايه من كل ده يعني مفيش هدف اخير لكل الي بعمله الفلوس بتروح والنفوس بتموت والعربيات والبيوت هتقدم ف حاسه انو ملهوش لازمه كل ده انا اشتغلت ف سن صغير وعملت فلوس الحمد لله وذاكرت وجبت مجاميع عاليه عندي مشاريع واستثمارات فلوسي مع اهلي وعندي عربيات وكل ده وانا لسا صغيره دخلت كليه احلامي دخلت هندسه بترول وكنت جايبه أعلي من مجموعها وحاسه أن خلاص أنا عملت كل حاجه بس انا حاسه بملل يعني كل ده انا علمته وخلاص باقي ايه هتجوز ؟ وبعد ما اتجوز اجيب اطفال واربيهم واكبرهم واصرف عليهم واعلمهم ويكبرو ويشتغلو ويتجوزو ونفس الموضوع يتكرر بس انا مش حاسه اني استفدت حاجه مش موضوع أن مشاعري بارده او معنديش مشاعر انا لحد من كام شهر كنت بتخيل حياتي وازاي هبنيها وعيالي واسمائهم وشغلي الي بيكبر فالمستقبل بس دلوقتي حاسه اني عايزه اوقف كل حاجه واتجمد مش شايفه اي فايده من الفلوس والشهره والمعرفه بين الناس كل ده ليه وقت وخلاص بينطفي والناس بتبقي عايزه الاقوي منك عشان ترفعك وتشهرك اكتر وهكذا الموضوع دايما بيجي فبالي بين فتره وفتره بس دلوقتي انا مش قادره أطلعه من دماغي عايزه اوقف كل حاجه وكفايه كده ادي فلوسي الي عملتها لاي حد وأبطل كل حاجه كنت بعملها وفنفس الوقت انا بكمل وانا حاسه بملل وبزهق بنزل الجامعة عشان لازم انزل وبذاكر عشان لازم اذاكر وبشتغل عشان اتعودت علي كده الموضوع تاعبني لدرجه اني مبقتش بناقش ولا بتكلم طول الوقت ساكته مستنيه اعرف نهايه كل ده ايه بعد بعد المذاكره ايه هيحصل كل يوم نفس الروتين اصحي اروح الجامعه ارجع اذاكر واكل وانام لحد ما بقيت بتعب من النوم الطويل لأن مفيش حاجه تخليني صاحيه حتي وانا نايمه مفيش احلام حاسه ان حياتي وقفت لحد جزء معين ومستنيه اوصله عشان اخبط فالحيطه الاخيره وخلاص اقعد بقا علي كده مش قادره زي زمان اخطط هعمل ايه بكره وهاكل ايه هنزل مع مين من صحابي مبقتش مهتمه للوقت يعدي بسرعه أو بطيئ مش مهتمه مين احسن مني ومين أقل دايما قاعده ساكته ومستنيه مش عارفه مستنيه ايه بس انا مستنيه حاجه معينه تحصل انا مش عرفاها بس عارفه انها لما تحصل دماغي هتقول انها خلاص مبقتش مستنيه حاجه تاني وهقدر اعيش بسلام مشكلتي كلها الي بحكيها فالحاجه الي مستنياها دي حاولت بشتي الطرق اني احطلها هويه واقول انها حصلت وخلاص كده بس انا دماغي عارفه انها مش هي الحاجه الي مستنياها حاولت اعرف ايه هي الحاجه الي موقفه حياتي ومخلياني استني دي بس عجزت اعرف معرفش حتي هي حاجه حلوه او حاجه وحشه مفاجأة ولا صدمه معرفش اي حاجه كل الي اعرفه اني لازم استني لحد امتي برضو معرفش

2

2