بحس إني مهمشة قدام اختي الكبيرة.. هل ده طبيعي؟

Question

دلوقتي انا عندي اخت اكبر مني و العيلة كلها بتحبها و بيحبوا يتكلموا معاها دايما و هي فعلا لذيذة فالكلام و تحب انك تتكلم معاها بس ساعات بحس اني مهمشة في الوقت اللي الكل مركز معاها و مهتم بكلامها هي لدرجة ان يوم نتيجة الثانوية العامة بتاعتها انا فاكرة تفاصيل اليوم كله بكل حاجة حصلت فيه و مع كده بيقولولي اني مكنتش معاهم في اليوم ده وانا متأكدة اني كنت معاهم و الموضوع ده ساعات بيضايقني انا اكيد بحب ان الناس تبقي حابة اختي و بكون مبسوطة ليها عشان هي تستاهل اصلا بس في نفس الوقت انا مش عايزة اكون مهمشة كده هل انا كده شخص وحش ولا عادي عشان انا ساعات كتير بستحقر نفسي بسبب الموضوع ده

Strawberry_16263 🇪🇬 · Answer

لو انتي صغيره ك سن وهي كبيره ف وارد يكونو بيتكلمو معاها لانها كبيره انتي صغننه وده مش معناه انك وحشه ابدا انتي جميله وممكن تجربي تتكلميهم انتي وافتحي معاهم مواضيع

Apple_16257 🇪🇬 · Answer

انتي شخص كويس و الدليل انك بتقولي انك بتتمني أنها تبقى محبوبه ديما و الاحساس الي جواكي بالزعل دا طبيعي بس خليكي عارفه أن دا مدخل من مداخل الشيطان عشان يخليكي تغيري من اختك ما تسمحيش بدأ و اندمجي معاهم و اتقربي منهم ممكن انتي مميزه بانك هاديه و دي حاجه كويسه و مميزاكي خليكي متاكده انك ليكي وجود في قلوبهم بس دا مجرد احساس

Carrot_15641 🇪🇬 · Answer

فرق السن بيننا مش كبير اوي بس ممكن يكونوا هما بيتكلموا معاها عشان هي الكبيرة فعلا و بيتكلموا معاها عن الكلية او كده

Carrot_15641 🇪🇬 · Answer

انا اكيد عمري في حياتي ما هغير من اختي انا بحبها جدا اصلا بس فكرة اني مهمشة هي اللي بتضايقني واختي كده كده ملهاش ذنب في اي حاجة