قاعد في بيت منغير حوار ولا تفاهم مع العيال

Question

احساس انك قاعد في بيت واحد بتيجي من الشغل كل واحد قاعد في حتا مفيش كلام غير عوزين كزا من تحت ....العيال عوزين حاجه غير كدا ممكن بالايام مفيش موضوع يتفتح ...حتي الواحد معظم الوقت نايم ادام التلفزيون علي الكنبه ....لغه الحوار الاولاد محتجين ايه فقظ .... اي منقشه تقلب بخناقه

Watermelon_33770 🇪🇬 · Answer

غير يا اسطي ف تفاصيل حياتك... الراجل ال بيسوق العلاقة مش الست ..... الزمن دلوقتي صعب والدنيا قاتله فلو مبقاش البيت ومراتك سكنك هتتفشخ ف حياتك دابل

Sugar_27686 🇪🇬 · Answer

يا نهار ابيض انت حاسس بالوحدة وانت متجوز ،حاول تعمل حاجة مع زوجتك تكسر بيها الروتين ،

French Fries_33748 🇪🇬 · Answer

ابدأ انت ب الحياه الي نفسك فيها ارجع اسألها عن تفاصيل يومها في حد مضايقها ولا لا تحبي ننزل نتغدى برا تعالو نتلم ونتفرج على فيلم هاتو  كوتشينه واعملوا سهره حلوة قرب من عيالك واسألهم عن يومهم واتكلم معاهم وخليهم يقربوا منك لازم تعرف انك زي مابتتعب هما كمان بيتعبوا وتقدرهم علشان يعرفوا يقدروك

Apple_33841 🇪🇬 · Answer

محدش هيفهم كلامك هنا..

Carrot_33651 🇪🇬 · Answer

اتعاتبوا وشوفوا اي اللي وصلكوا لكدا 
وحاولوا تجددوا في الروتين ومع المحاولات ان شاء ترجعوا زي الأول وأفضل.

Apple_33761 🇪🇬 · Answer

في ناس بتوصل ان الاهتمام كله للاطفال و الاكل و الغسيل و التنضيف و اهلها بعد كدا تفتكر ان في حد في البيت ....احساس ان الواحد مجرد ATM

Apple_33761 🇪🇬 · Answer

احنا مجوزين بقلنا ١٠ سنين منهم ٦ سنين بالوضع ده

Apple_33761 🇪🇬 · Answer

انا واحد بحب الفسح و الفرفشة هي بنيادمه بيتوتيه 
ياعني مسلا قررات اسافر و طلعت تيلاند اي نوع من المغمرات مبترضاش تعملها ..
مرضتش تعمل bungy jump . و عملتها لوحدي ....مرضتش نط معايا من جبل لجبل cable sliding ونزلت من الجبل بترفريك ...مرضتش تعمل rafting في نهر ...كل ده عملتو لوحدي ....فا كنت طلعت اتفسحت لوحدي