أحلى يوم وأسوأ يوم في حياتي بسبب الحب والزواج السري

Coffee_38031 🇪🇬

منذ سنة واحدة

شعور محبط

موضوع:

حاجه عملتها وندمت عليها ؟

كام احله يوم ف حياتى وبعد كده بقه اوحش يوم ف حياتى عشان كنت مع حد حبته وعشنا احله سنه ونص مع بعض ومحدش يعرف عنا حاجه لحد ما ربنا كشف الستره والدنيا كلها عرف ان احنا متجوزين ومن هنا الدنيا اتحولت مليون درجه وده كان اوحش يوم ف حياتى يوم ما خالص مكنش ينفع نكون مع بعض بس النصيب و صحبتها هى كانت السبب ف كل ده .....

وجع قلبي من خسارة العلاقة ومشاكلها المتكررة

كنت في علاقه أنا وشخص و كان بيحصل بينا مشاكل عادي و نبعد شويه و نرجع و كنا حرفيا نلف نلف و نرجع تاني لبعض اتخانقنا قبل رمضان و رجعنا تاني في آخر رمضان و قربنا اكتر من الأول و بقينا كويسين اوي لحد امبارح حصل مشكلة بس كانت مشكلة كبيرة و سيبنا بعض لي المرة مش عارفه كام من كترهم بس شدينا جامد و قالي وقتها كلام وجعني اوي و كان بايعني كنت بعيطله في التليفون و اقوله أنا مش عايزة أتوجع متسبنيش و هو ولا فارق معاه صعب عليا نفسي اوي هو فضل على قراره و عملي بلوك من كل حاجه و وعدني أنوا لو حصل ايه مش هنرجع تاني محستش بنفسي غير وانا مرمية على الأرض مش عارفه أتنفس من العياط و من امبارح قلبي وجعني اوي مش اول مرة أتوجع بسببه بس المرة دي غير مليش صحاب هو كان كل حاجه و كنت مكتفيه بيه و مش عارفه اشكي لمين أنا مريضة قلب أصلا و حاسة بنغزة في قلبي وحشه اوي مش عارفه اعمل ايه حاسه اني عاجزة بس أنا مش عايزه اخسره رغم ان هو الي غلط فيا بس الي بينا مش قليل ...عرض المزيد

11 الدعم

12 نصيحة

مش قادر أتخطى حبيبتي اللي اتخطبت من غيري

عندي موضوع مأثر فيا ومش قادر اتخطاه حبيت بنت وبقالنا ٤ سنين مع بعض بنحكي كل حاجه مع بعض بقيت اعرفها اكتر من ابوها وامها.. دايما بتزن ان اخطبها وانا كمان عايز اخطبها واكمل معاها كل حاجه بس ظروفي كانت ملخبطه وكل اللي انا عايزوا هو الوقت مش اكتر وان انزل مصر ... هي افتكرت ان انا مش عايزها وبقيت ضامنها وعايزها قاعده جنبي وبس... ف فبراير اتخطبت وانا من بعدها حاسس بتوهان وقله حيله كتمه فصدري وحاسس ان مظلوم اوي لان دايما كنت جنبها ف كل حاجه مشافتش مني اي حاجه وحشه لدرجه انها قالتلي انت عملت ليا كل حاجه الا انك تخطبني... اتواصلت معاها كتييير وبقنعها انك ازاي عملتي كده وانتي عارفه ان مش شايف غيرك... ف بدايه خطوبتها كانت بتنزل ستوريهات ع تليجرام وبخصصها ليا وكان مضمونها انها مش نسياني رمش عارفه تنساني.... لما بدخل اواجها تقولي انت معملتش ليا حاجه تبين انك شاريني وعايز تخطبني... انا عايزه خطيبي... جمله (انا عايزه خطيبي) بتقتلني بحس ان روحي بتطلع... ومش عارفاه قبل كده وتعرفوا وقت ماتقدملها بس ازاي ف الوقت ده اتمسكت بيه وانا اللي معاها ٤ سنين مش متمسكه بيا بالرغم ان متأكد انها بتحبني بس مش فاهم ليه بتعمل كده... حاليا لوقتنا هذا بقالنا شهر و١٦ يوم ولكن انقطع الستوريهات و عملت بلوكات بعد ماوجهتها اخر مره انك مريضه و ازاي حاسه انك عايزاني ومستمره معاه.... انا لحد الان اصبح عندي تناقض بدعي عليها وبعد ثانيتين اقول يارب انت اللي رزقتني حبها فخليها من نصيبي لان مش هقدر اعوضها بحد انا بجد مش عارف اعمل ايه تعبت جدا واعصابي مبقتش مستحمله لمجرد ان احس انها بتتكلم مع شخص تاني ...عرض المزيد

12 الدعم

5 نصيحة

بحب بنت خالتي ومحدش يعرف.. أعمل إيه؟ 💔

حد يشور عليا اعمل اي 😑 بحب بنت خالتي من يوم م موعينا علي الدنيا وهي متعرفش حاجه عن الموضوع💔 بس قعدت استني الفرصة المناسبة عشان اروح اتقدملها 😞لحد مافي حد سبقني وخد خطوة واتقدم وقرأ فاتحه وقريبا الخطوبة اعمل اي عشان الحقها قبل ما تتخطب عشان انا مش شايفها مع حد غيري💔 ...عرض المزيد

7 الدعم

6 نصيحة