البوست دا هخليه بابلك عشان كله يشوف الردود خدت بالي ان كله غرقان ف حزنه لدرجه اننا بدانا نتسي نعم ربنا .من انك تقدر تعبر وتتكلم تقدر تدخل الحمام تقدر تقوم تشرب تقدر تقف ع رجلك اللي بتفكر فيه بتعرف تعمله قادر تشوف وتكتب قادر تفكر وعندك وعي وتميز نعم كتير جداااا جدااا من تعودنا عليها بقينا معميين عنها ومش شيفينها كل واحد هنا داخل عشان فيه حاجه ناقصاه وحاسس بقيمتها غيره موجوده عنده ومتوفره وبالكاد يقدر يميزها حتي ولا ياخد باله منها عاوزين كل واحد يقول نعمه هوا فاقدها او مش شرط المهم انه حس بيها و بقيمتها ونفسه ترجع او تفضل متروحش عشان نحاول ديما نكون مدركين علطول اننا ف نعمه كبيره مهما حصلنا ونا هبدء واكون اولكم .... انا من النعم اللي شايفها هيا انك بتقدر تحدد الصوت اللي سامعه جيلك من انهي ناحيه غيرنا وخواتنا اللي مركبين سماعة اذن مبيقدروش يحددو الصوت جي منين برغم من سماعهم لي و نعمة الاب مهما كان قاسي مهما كان مش بيتعامل معاك مهما كانت طريقته بس مجرد جزمته ع باب الشقه دي لوحدها بتشيل عنك هم كبير جدا ومسوليه خصوصا لو الابن الكبير زي كد احمد ربك ان ابوك عايش حتي لو بيجلدك كل يوم مش هيبقي احسن متتحط ف قلب الدنيا من صغرك لوحدك منغير ضهر ملكيش حد يوجهك حتي لو شايف انه ملهوش لازمه مجرد اسمه بس وجوده ف حياتك ختي لو ف دولة تانيه دي نعمه متتخيلهاش

4

7