"اختي" زمان مكننش بحبها وبعدين كبرت شويه حبيتها كانت دايما بتستغلني و بتتنمر عليا قدام الكل تحديدا لو ناس جديده اول مره نشوفهم تتنمر علي شكلي بقا طريقه كلامي طبعا الحوار ده اثر فيا و بقيت اتلعثم في الكلام و شكلي كنت بخبيه كله حرفيا حتي عيوني كنت بخبيها كان لبسي كله اسود و واسع من كتر م بكره شكلي وجسمي الفتره دي كنت بحبها اوي و مخلصه فلوسي ع الهدايا ليها و الخروج معاها ع حساب صحتي عشان هي بس زهقانه بعدين بدأت ادرك لما لقيت الاذي بيزيد وانها بتتكلم عليا وحش قدام الناس من ورا ضهري ( زي اني لقيت ورقه من حبيبها بيشتم فيا عشان يراضيها و لما بتحكيلي انه اتنمر عليا وهي تضحك و لما الاقي ناس تقولي انتي مش زي م اختك بتقول ) ف بقيت ارد عليها كلمه بكلمه لقيت ده بيعملي مشاكل اكبر مع اهلي عمرهم م شافو انها ال غلطانه دايما الغلط ده غلطي انا وبعدين قررت اتجاهلها لقيت مشاكل بتزيد بتطلع عليا كلام و بتعمل مشاكل من عدم و مشاكل لدرجه انها طلعت عليا اني بقابل شباب و كرهت الناس فيا اكتر و خناق كتير جدا الخناق ده بتقول فيه كل حاجه شتيمه اهانه بتعايرني ب مرضي بتخون سري و احيانا بتوصل لمد الايد ادرجه ان جسمي معلم منها من سنين لحد دلوقتي انا حاولت ارجع احبها لكن لقيت الاذي اكتر نفسي افهم ليه اهلي بيحبوها جدا دايما بيفضلوها دايما بسمع كلام زي هي اجمل هي اذكي بنحبها اكتر منك و دي مشاعر مش ب ايدنا مع انها والله مش كده المشكله دايما هي الضحيه و عي ال شيلانا و انا قلبي اسود

0

10