انا بقالي كتير موت مكتبتش ودايما لما بلجأ للكلام هنا ببقى بس علشان عاوزة اتكلم ويكون حد سامعني مش علشان عاوزة نصيحة من يومين بالظبط خلصت امتحانات ورجعت لوحدتي اللي بحبها رغم انها مؤذية اوي بس بجد بحبها مهما كانت مصدر للتشتت. والتفكير الكتير فهي برضو مصدر أمان عن ناس مؤذية بشكل ابشع من الوحدة بكتير وانا اخترت الوحدة بعد ماتأذيت من كتير يعني انا شوفت الدنيا عادي جداً بس ابتديت احمي مشاعري من الدنيا بالوحدة من فترة اتأذيت من شخص قريب مني اوي واترتب عليه شعور جوايا بأن كل راجل مؤذي او يمكن انا مش متقدر ليا الحب عموما وعادي اتأقلمت على الموضوع وانهم مؤذيين ومبقيتش عاوزة حب والا غيره وهفضل عايشة كده ( لنفسي) بدون حب بدون ارتباط بدون زواج.... ومش حاجة تعيبني في شيء أبداً... ورغم معرفتي ان مش كل الرجالة مؤذية بس لو كرهي ليهم واقتناعي بأنهم مؤذيين هيحميني من غدر العلاقات ووجع قلبي اللي من كتر الآمه ببقى نفسي اطلعه من مكانه بأيدي علشان ارتاح من وجعه فأنا هعمل كده بقت فكرة الجواز بالنسبالي مرعبة واول ماحس اني بتعلق بشخص ببعد عنه على طول او اكرهه فيا وده احسن للشخص اكتر ماهو احسن ليا بس انا ليه بعيط دلوقتي وانا حاضنة نفسي؟؟ ليه بييجي عليا وقت وببقى نفسي اتحضن مش احضن؟؟ ليه محدش حاول حتى علشاني؟ ليه بتأذي ومش ببين؟؟ ليه عمل فيا كده وانا المفروض ابقى اقرب ليه من نفسه؟ وليه كتيير ومحدش هيجاوب عليها علشان اللي المفروض يكون مصدر الحب والامان بالنسبالي بقى اكبر مصدر للخوف والكره....

1

5