عندي إدمان تطبيق غرف صوتية ومش عارف أركز في الجامعة

Question

عندي ادمان غبي علي تطبيق معين بتاع غرف صوتيه والعاب وكده وبسببو مجموعي ف الثانوي كان وحش ودخلت كليه مش عاوزاها ونومي اتلخبط،جت عليا فتره حذفت حسابي نهائي عشان اركز ع الجامعه وكده بس ناس من الي يعرفوني ف التطبيق كلموني برا ورجعو حبي للعبه تاني ونزلتها تاني قولت هفتحها فترات قليله بس مش كتير بس الموضوع بيوسع مني ورجعت تاني زي الاول ف هل حد عندو حل مثلا اعمل ايه يخليني مفتحهاش تاني؟

Kiwi_35062 🇪🇬 · Answer

انا من وجهة نظري أن اللعبة دي مش حاجه بالنسبة لتحقيق أهدافك وتحقيق مستقبلك 
يعني انتي لو جيتي على نفسك شويه ومسحتيها سنين الكليه دي مش هيكون اخر العالم يعني ولو جبت مجموع حلو في الكلية ساعتها هتبقى فرحانه اوي 
لكن لو فضلتي سايبه اللعبه هتضيعي حلمك ومش هتفيدك في حاجه

French Fries_40667 🇪🇬 · Answer

اللعبه عادي ممكن تتلعب ف اي وقت و اكيد لو قطعتي مع صحابك فتره هترجعي تاني ف خليكي ف اساسيات الحياه و هي جمعتك و حياتك

Avocado_44206 🇪🇬 · Answer

ويبلاي ؟

Strawberry_32185 🇪🇬 · Answer

بالظبط🙂

Avocado_44206 🇪🇬 · Answer

وي بلاي ده ابرد اب شوفته في حياتي 
كان صحابي عايزيني ادخل في الموضوع بس معجبنيش

Strawberry_32185 🇪🇬 · Answer

خليك بعيد بجد ومتنزلهوش ع فونك حتي 
هتقول هاخد فكره هتتسحل جوا

Avocado_44206 🇪🇬 · Answer

لا هي محطوطة منظر بس 
مفتحتهاش ولا مرة تقريبا على الموبايل الجديد بقالها حوالي 4 شهور 
كنت بلعب لعبة الاسئلة دي