خايف من تالتة إعدادي والامتحانات بعد شهر

Question

ادونى من خبرتكم اعمل اي ف تالته إعدادى عارف انو سن صغير بس أنا واصل لحته وحشه اوى مش بذاكرة و الامتحانات ف شهر واحد ، المدرسين خلصو المناهج وأنا لسه مبدأتش فيها بس جوايا حلم عارف انى لو موصلتلوش هدمر نفسيا و ف نفس الوقت معنديش طاقه ولا شغف انى أسعى أو اعمل حاجه توصلنى للحلم دا انا خايف جدا و الامتحانات كمان شهر وانا فعلا وجديا لسه مفتحتش المنهج

Sugar_21815 🇪🇬 · Accepted Answer

بص يا سيدي انا ف تالته ثانوي دلوقتي و بقولك ٣ اعدادي دي اه سنه مهمه بس هي مش نهايه الدنيا و منهجها في كل المواد يقدر يخلص ف شهر انت عليك دراسات و علوم و رياضه و عربي و انجليزي و كلهم حلوين مفيش حاجه صاعبه انت امسح اي تطبيق عندك بيشغلك و من ضمنهم ده و انت لسه بدري ع شهر ١ ف ابدأ دلوقتي اصحي بدري من الساعه ٤ مثلا و شوف فيديوهات يوتيوب و حل و مش لازم عقده ال  ،وperfectionism انا كنت التالته ع المدرسه

Coffee_51716 🇪🇬 · Answer

امسك كل ماده قسم محتواها على تلات اسابيع

يعني الدراسات شوف كام وحدة و قسمهم على الاسابيع التلاته مثلا 9 وحدات  هتخلص مذاكرة 3 وحدات في الاسبوع  اين كان الوحده فيها كام درس وبعد كل درس هتحل عليه في وقتها

الاسبوع معك 
 6 ايام مذاكره  و اليوم السابع حل على 3 اللي خلصتهم كلهم حتى لو الكتاب خلص لو مش متاح تشتري تاني خلي شات GPTيعملك اسئلة
وهكذا في كل المواد 
كل ماده تحدد لها عدد ساعات معين

Coffee_51716 🇪🇬 · Answer

تخلص الماده في عدد الساعات دي و تاخد بريك تفصل وتخش على الماده اللي بعدها 
لازم بما تدخل تنام تبقى عارف يومك بكرا ماشي ازاي بالساعة 
من 8 ل10 عندي درس 
فيه ساعة ضايعه في الطريق رايح جاي بو بقيت ساعة ونص يبقى ضيعت وقت عنده حلم مش بيضيع وقت لما توصل في الاخر لحلمك كل التعب اللي هتعدي بيه ده هيهون وهتحس انه محصلش وفر لنفسك جو و مكلن مناسب للمذاكره واللي هو اكيد مش على السرير عشان هتنام وسيب الموبايل

Apple_71068 🇪🇬 · Answer

انا متخرج يا صاحبي وهديك النصيحة يمكن تفيدك اعمل الي عليك في الدراسة وخد شهادة عالية هتفرق معاك في الشغل وحاول تتعلم انجليزي اهم من الدراسة هتلاقي شغل كتير وهيفرق معاك في المرتب الدراسة مش نهاية الدنيا بس طور من نفسك في حجات تانية يارب اكون قدرت افهمك قصدي