ازاي اتخطي شخص خذلني وثقت فيه؟ أنا لوحدي ومحتاج مساعدة

Apple_26468 🇪🇬

منذ يوم واحد

شعور متعب

ازاي اتخطي شخص وثقت فيه واديتله حب وثقة وامان وفي الاخر خذلتني واختارت نفسها وبس + ازاي لما ابدأ بداية جديدة السيناريو دا مايفضلش ورايا وإن النهاية هتكون وجع بس هيكووون اكبر ..ازاي أصدق!!! ازاي اثق في ناس وهما كل بدايتهم بتكون أروع من الخيال ازاي بجد+ الشخص اللي عمل فيا كدا خلاني متوقع الغدر والاذيه من اقرب الناس ليا!!!! انا مابقتش قادر اشوف نفسي بالشكل دا ارجوكم ساعدوني انا حقيقي لوحدي ملحوظة الإنسانه دييي انا اديتلها كل الحلو اللي كان باقي فياا وللأسف الموضوع صعب لاني شبه بشوفها يومياً ودي حاجه مش بمزاجي+ اني لما بشوفهااا يشوف وجعي ودييي حاجه بتقتلني يومياً!!! محتاج نصيحة من متخصص ارجوكم ساعدوني أقبل فوات الاوان!

اخويا المتحكم وخيانة الثقه اللي أذتني جامد

طيب يا جماعه أنا وأخويا كنا قريبين أوي من بعض ...هوا متحكم جدا وكده ومره من كذا سنه لما صاحبت ناس سوشيال كتير يعني وكنا بنتكلم وكده وهوا عرف وقعد يقرأ الشاتات ويقولي ايه القرف ده وأني مقرفه وبتاع وقتها أنا مكنتش أعرف أن ده غلط وكنت صغيره ومعرفش الحرام من الحلال بس كانوا فعلا أول ناس أنا أحبهم يعني وأتمنى نفضل صحاب وقت طويل وقتها ...أنا سمعت كلامه من غير نقاش لأنه قال هيقولك لبابا وأنا قررت أبعد عن الناس دي مع أني تعبت جدا جدا جدا لما سبتهم بس قلت خليني دايما أرتقي لأخلاق أخويا لأني كنت يحترمه جدا ومكنتش عايزاه يزعل مني المهم واتاخد من الفون وبسبب ده حتى أصحابي ف الحقيقه فكروني أني سبتهم وخلو علاقتهم معايا سطحيه والموضوع ده أذاني جامد وقتها يعني كنت حرفيا بقيت منعزله عن كل الناس ومش بكلم حد أو أعرف حد وفضلت ال5 سنين اللي فاتوا على كده يعتبر بقى عندي احساس أن أي حد هعرفه هضطر أسيبه ف المستقبل فمعدش عندي ثقه بحد الصراحه المهم أخويا ده أنا اكتشفت أنه بيكلم بنات وعنده فيك أكونت وخافيه عني عاملي بلوكات عشان معرفش...وكمان على الرغم أنه كان بيقعد يشتم على البنات من النوع ده إلا أني اكتشفت أنه مرتبط هوا مخبي عشان عارف ردة فعلي هتكون ايه ...عايز يتجوزها على حسب مستقبلي أنا وأختي كمان والموضوع تاعبني حرفيا ...عرض المزيد

8 الدعم

6 نصيحة

صاحبي بيتكلم مع اختي على الواتس ومش عارف أعمل إيه

في حد من صحابي يعني صاحب غالي عليا وبعتبرو زي اخويا المهم شغال معايا مش ف كل الاوقات احيانا بيجي ساعتين او 5 او 10 على حسب الكلية بتاعتو او لو فاضي بيجي المهم لاحظت فيه كان كل شوية يتكلم على الواتس بس مش عارف كان بيكلم مين المهم البيت بتاعنا جنب المحل ف كل ما اعدي على البيت الاقي اختي بتلعب ف التلفون ع الواتس بالذات وبنفس الوقت اللي هو بيتكلم فيه ع الواتس بردو لغايا ما لاحظت ان هو بيكلم اختي على الواتس فا مكنتش متأكد بردو اخدت تلفون اختي مرة قولتلها هاخد برنامج من عندك او او انا اللي هديها البرنامج اللي كانت عايزاه مش فاكر بالضبط المهم كتبت نفس رقم صاحبي اللي لاحظت ان هو كان بيكلم اختي لقيت رقمه على تلفون اختي ومتسجل my life فا مش عارف اعمل اي بصراحه اروح اقل لابوها ولا اقولها هي ولا اخبي الموضوع عشان مكسرش بخاطرها ولا اي بالضبط ...عرض المزيد

7 الدعم

7 نصيحة

صاحبي بيتكلم مع اختي على الواتس.. مش عارف أعمل إيه

0 الدعم