واقعه بين احساس الفشل والشك.. أتعامل ازاي؟

Question

أنا دلوقتي واقعه بين احساسي أن الموضوع اللي انا فيه هيفشل وان بيضحك عليا في حاجات كتير اوي وبين أن لأ أنا بيتهيألي واكيد كل الإشارات دي من دماغي المجنونه
مفروض بنتعامل ازاي مع الاحساس ده

Banana_81315 🇪🇬 · Accepted Answer

للاسف دائما احساسنا بيكون صح بس المهم منكبرش الموضوع قبل ما نتأكد ان احساسنا صح

Coffee_62833 🇪🇬 · Answer

هو اي الي حصل أصلآ

Marshmallow_73787 🇪🇬 · Answer

حاسه الشخص اللي أنا بحبه بقالي سنتين بيكدب في حاجات كتير بيقولها لما بربط حاجات ببعض ف حاسه ان الموضوع هيفشل
وفي نفس الوقت بقول لنفسي لأ اكيد انت اللي بتفكرني زياده عن اللزوم وكل اللي حاسه بيه مش حقيقي 
وعايشه في قلق ومش قادره اتعامل زي الطبيعي ومعنديش ربع الجرأة اللي تخليني اتكلم معاه في اي احساس من اللي بحسه 
لان اولا ممكن يكدب وانا معنديش حاجه ملموسه استدل بيها على صحة كلامه

Marshmallow_73787 🇪🇬 · Answer

وفي نفس الوقت بقول أن لو اتكلمت في حاجه زي دي هياخد باله لو هو بيكدب ويبقى الاحساس الوحيد اللي عندي إن فيه حاجه غلط هيروح لان هيغير تصرفاته
او ان كل اللي بحس بيه ده وهم في دماغي

Marshmallow_73787 🇪🇬 · Answer

ولو معنديش الفرصه اعرف اذا كان ده حقيقي ولا لأ غير اني لازم استنى شهور كمان
وانا مش قادره اتعامل طبيعي

Coffee_62833 🇪🇬 · Answer

مفيش حاجة بنحس بيها بتبقي جاية عن طريق الصدفة يا بتبقي محتاجة تأكيد للاحساس ده أو إنك بتتأكدي إنك غلط ومتزعليش مني إنتي خايفة تعبري عن خوفك أو إحساسك مع شخص مفروض هتكملي حياتك معاه ف هل هتقدري تكملي كده؟

Coffee_62833 🇪🇬 · Answer

تاني حاجة وأنا ك راجل لازم أقولها
لو مش مرتاح ف علاقة مينفعش تكمل
سواء ده أو ده لأنك عمرك م هتكون ع طبيعتك أبدآ وهتبقي متقيد
خدي الشخص الي يفهمك ويفهم إحساسك وميكونش ملاوع ولا بيعرف يكدب

Marshmallow_73787 🇪🇬 · Answer

فكره اني مش عارفه اتكلم من عندي أنا مش من عنده لأن ف اي حاجه بتحصل في حياتي انا اللي بقرر اسكت واقعد افكر
هو بيحاول دايما يقولي قولي اللي حاسه بيه وانا اللي الموضوع بيكون صعب عليا اوقات بعرف اقول و اوقات تانيه لأ
وغير كده انا حاسه ان المشكله مني يعني هو بيقول أنه بالفعل جاي يتقدم بس انا اللي دماغي بتفكر كتير أن الموضوع ده مش هيكمل

Peanut_81193 🇪🇬 · Answer

تمشي ورا احساسك

Coffee_62833 🇪🇬 · Answer

متبنيش حياتك علي تمنيات
ابنيها علي نتيجة
حاولي تعالجي الي شايفاه مشكلة
مبتكلمش ع الي حاسه بيه ببني ع الي بتقوليه دلوقتي
انتي بتقولي انك حسه انه كداب وانه هيكدب وهيغير طريقته لو حس انك قافشاه ده الي انتي قولتيه🤷🏻

Banana_82741 🇪🇬 · Answer

الكدب اخره كدب

Cherry_78677 🇩🇿 · Answer

امشي ورا احساسك دائما بيكون احساسنا صح مفيش شعور يجي من فراغ بيكون في اسباب فإحساسك هو بوصلتك

Ice Cream_82622 🇪🇬 · Answer

امشي ورا قلبك