زوجتي السابقة بتهددني بالفضيحة في شغلي.. أعمل إيه؟

Mango_67819 🇪🇬

منذ يوم واحد

شعور مستنزف

صديق ليا عنده مشكله ومش عارف احبها معاه ازاي بدايه القصه أنا متزوج ومراتي عندها ولدين من زوج تاني اعتبرتهم ولادي واكتر لحد ما ربنا كرمني بولد وبقيت بعامل الكل ولادي مش بفرق بينهم خالص المهم انا شغال شغلانه مهمه في البلد وللاسف بعد زواج سنين كتير مراتي غدرت بيا وخدت كله حاجه واتفقت مع واحد صحبتها أنها تبعتلي وتكلمني وتحاول تدخلني في علاقه .. وفضلت تبعتلي صور وتوريني نفسها .. ومراتي علي علم بكل ده وكانت مهكره تلفوني ودلوقتي بتهددي يا اعمل اللي هي عايزه يا تبعت الصور دي للشغل واترفد بفضيحه كبيره وانا الحمد لله كويس جدا في شغلي وانا حاليا مطلقها من سنتين احل المشكله دي ازاي قلتله للاسف مش هعرف أفيدك دلوقتي وطبعا حكي حاجات تانيه مينفعش اقلها وانا نفسي اساعدك اعمل اي أو السعاده ازاي

خايفه من فضيحة صور قديمه.. يارب تسترني!

زمان وانا عندي ١٥ سنه تقريبا كنت مرتبطه بواحد مش من بلدي بس ايامها انا كنت لوحدى بمعني الكلمه اهلي مكنوش قريبين مني خالص وانا مكنتش اعرف يعني اي حب ولا فاهمه حاجه غير لما اتعرفت ع الشخص دا من ع الفيسبوك اتكلمنا وقربنا من بعض وحبيته واتعلقت بيه بطريقه صعبه المهم كان جه بلدي كذا مره واتقابلنا وحصل تجاوزات بينا يعني كان باسني وحضني وصور دا وكان لينا صور مع بعض عاديه وكان دايما يكلمني فيديو ويخليني اصورله فيديوهات اقولها فيها اني بحبه او فيديو اهنيه بعيد ميلاده وحاجات من دي وفيديوهات تانيه انا كنت والله صغيره وكنت مش فاهمه حاجه ومن كتر منا بحبه كنت بوافق علي اللي عايزه ولما كنت ارفض واقول لا ومينفعش كان يزعل ويعمل حاجات تخليني اوافق ع اللي هو عايزه المهم ان اهلي عرفو واخويا عرف واتعاقبت ع دا وانا بعدت عنه والله ومعتش كلمته تاني انهارده انا عندي ٢١ سنه ومخطوبه من خمس شهور لواحد بيحبني وشاريني الشخص اللي حكيتلكو عنه دا وصل لصحبتي وبعتلها صورتين من بتوعنا وقالها انه هيوصل لخطيبي ويقولو اني اخصه لو سابني وبعد عني تمام مسبنيش هيبعتلو كل صورنا وكل الحاجات اللي معاه وقالها ان كل حاجه عنده مربوطه بالجميل بتاعه يعني مفيش اي حاجه اتمسحت انا كلمت خطيبي وحكيتله ومن فضل ربنا عليا انا قبل مااتخطب حكيتله اني كنت مرتبطه قبل كدا بس محكتش تفاصيل اكيد مش هفضح نفسي لشخص هبدأ معاه حياه جديده المهم اني كلمته وقولتله اللي حصل كله وفهمته كل حاجه قالي متخفيش ومش هسيبك وخليه يوصلي وشوفي هعملك اي قولتله لو عايز تسيبني مش هلومك ولا هعمل حاجه بس هو قالي انا مش هسيبك ولا ف حاجه هتبعدني عنك بس هو لسه ميعرفش بردو الموضوع كله يعني انه حصل تجاوزات وان في صور مش كويسه ميعرفش لسه دا وانا قلبي واجعني وخايفه ومش عارفه افكر ولا اعمل اي مش ع لساني غير يارب استرني ومتفضحنيش انا عرفت غلطي ومن زمان بعدت يارب استرني لو حد عنده حل بالله عليكو يفيدني وادعولي ربنا يسترني ويعديها ع خير ...عرض المزيد

5 الدعم

6 نصيحة

وحيد بعد الطلاق وعاوز أتعرف على حد جديد في حياتي

هكمل ال 36 سنة ف شهر 9 الجاى واكبر شئ مدايقنى انى لوحدى مطلق ومفيش عندى مجال اتعرف على واحدة جديدة وادخلها حياتى لأن شغلي كله رجالة والشلة والصحاب علاقتى بيهم اتقطعت ف الفترة اللى كنت متجوز فيها لانى بعد ما كنت كل يوم ف حتة وبسهر معاهم ونتفسح بقيت بستحرم اسيب مراتى وانزل اتسرمح فقطعت علاقتى بالشلة كلها بنات وشباب ستات ورجالة وبقيت بيتوتى بروح من شغلى اعد مع مراتى وعيالها اه مهى كانت مخلفة عيلين وانا اللى ربيتهم وبعدها ربنا كرمنى بعيلين منها ورا بعض اخدو اللى فاضل من وقتى وبعد ما طلقتها بقيت وحيد عندى شقتى أجرتها واعدت مع والدى ووالدتى عشان محسش بالوحدة وكمان عشان منقعش ف الغلط خصوصا لو عايش لوحدى اتحكمت ف نفسي والحمد لله عشان مغضبش ربنا بس حرفيا عدى عليا على نفس الحال 7 شهور حاسس انى متدمر عاطفيا محتاج لوجود واحدة ف حياتى سافرت محافظة تانية اشتغلت هناك لهيت نفسي شوية لكن اسبوع العيد دة خلانى نفسيا متدمر اكتر كل ما أنزل اتمشي شوية بشوف نظرات اعجاب ليا وساعات منى بس مفيش فرصة انى اتعرف عليهم بتكون لحظات معدودة وانا ماشي ف الشارع أو اعد ف مواصلة دخلت تطبيقات تعارف لقيتها كلها فيك مفيش حاجة حقيقية عاوز النصيحة من ناس ف سنى لان فى فرق كبير بين سنى وبين الاعمار الأصغر الموضوع بالنسبة للى ف سنى ك تعارف بيكون صعب لأن اغلب اللى ف سنى بيكونو خلاص سستمو حياتهم وعايشين مع شريك حياتهم نادر لو سنجل ولو سنجل بيكونو خايفين من القيل والقال مش زى سن ال20 اللى طبيعي يكون في مبادرات من الطرفين عشان يتعرفو بعد ال30 اغلب اللى بيكون ف دماغنا اه حلوة مبدئيا عاجبانى بس يا ترى متجوزة ولا مخطوبة اللى معاها دول صحباتها ولا اخواتها ولا يمكن خوات جوزها فيا ريت اللى فاهمنى يرد بالنصيحة ...عرض المزيد

1 الدعم

8 نصيحة