عايزة انعاش صداقة ميتة ومش عارفة ازاي ومخاوفي من الهجر

Carrot_85386 🇪🇬

منذ 6 أيام

شعور عاطفي

ازاي احاول ا-revive علاقة صداقة؟ العلاقة ميتة انا متأكدة ١٠٠% بس عايزة احاول وفي نفس الوقت معنديش اي طاقة ابذلها (مش أنانية والله بس انا مريت بحاجات صعبة وكانت صعبة عشان كنت لوحدي حتى هي مكانتش موجودة اغلب الوقت إذا مكانتش كانت سبب في الصعوبة) والفترة دي بقالي ٣ شهور بحاول اكون هادية ومخدش الأمور على اعصابي واحاول افهم نفسي وأصلح من نفسي بس في نفس الوقت اي minor inconvenience بتخليني افقد اعصابي وارجع لنقطة الصفر فبحاول اتجنب اي حاجة ممكن تتعبني وانا عشان عندي bpd خايفة تكون فعلا العلاقة انتهت والشخصية الحدية لا تتحمل الهجر فالعمل ايه خايفة اكلمها واتضايق وارجع لنقطة الصفر عايشة على أمل ميكانيكا الكم(او على حسب فهمي)، اذا متأكدتش ان العلاقة ماتت فهي ممكن تكون عايشة المهم اني لسه معرفش انها ماتت

هل طبيعي ماعنديش طاقة أعرف حد جديد بعد علاقة من طرف واحد؟

هو طبيعي الواحد يحس ان معندوش طاقة يعرف حد جديد بعد ما مريت ب situationship؟ باختصار كانت علاقة من طرف واحد وبقدم فيها كل طاقتي ومجهودي للبنت اللي كنت معجب بيها وكنت بتمنى اخد خطوة معاها، وهي كانت بتدي علامات متناقضة ومش محسساني انها موافقة ابدا، في نفس الوقت كانت رافضة اني ابعد او اخد خطوة مع حد تاني، لمدة ٨ شهور بحاول وكتت بتعامل بكل لطف وزوق، فهمت في الاخر انها كانت عايزة تاخد بس الاهتمام والطاقة مني، مقابل دة كانت عايزة بس تتسلى وتبقى حطاني عالرف و في الاخر انا رفضت كل دة ومشيت برضه بكل لطف وزوق لأني مش عندي وقت اتسلى، عدى على الموقف دة اكتر من ٦ شهور، ولحد دلوقتي مش مش عارف الاقي حواليا بنت تكون مناسبة، فهل المشكلة اني لسا متأثر ولا انا فعلا محتاج ادي طاقة اكبر في اني اشوف البنت المناسبة؟ شكرا على نصايحكم مقدما ...عرض المزيد

8 الدعم

3 نصيحة