خدعتني و خانتني.. ازاي الاقي بنت حلال تدعمني؟

Banana_88722 🇪🇬

منذ 3 أسابيع

شعور ضائع

عايز احكي حاجه شخصيه موضوع حساس جدا بالنسبالي فا ملاقيتش انسب من المكان دا معلومات عني انا عندي 24سنه لوحدي في الدنيا شغال اونلاين فري لانسر شخص هادي مع اني مش من بيئه كويسه بس مليش خلطه غير بناس كويسه المهم و انا عندي 21 في بنت قربت مني و انا لسه طالع من ريليشن 3سنين و متدمر و كانت بتوهمني انها بتحبني جدا و مع اني كنت مركز في شغلي و مبفكرش في موضوع الارتباط و كدا بس هي كانت ديما بتحاول محبتش اخذلها و قولتلها اني معنديش طاقه لريليشنز و قررت احققلها حاجه هي كانت بتتمناها تحصل بعد كام سنه... ايوا اتقدمتلها و خلال شهر كنا اتجوزنا و انا اللي جبت كل حاجه كا واحد عندو واحد و عشرين سنه خدتني من ورا اهلي هي و امها عشان امضي ع قايمه و انا مكنتش فاهم يعني ايه قايمه اصلا وقتها بس لما قالتلي انها الوحيده اللي تقدر تستخدمها و ثق فيا مضيت.. مضيت علي قايمه فاضيه كانت كفليه تاخد كل حاجه جبتها و شقي عمرى كلو مع العلم ان انا مبخدش الجنيه من اهلي كلو من مجهودي و دماغي ، بعد الجواز علطول اتغيرات خالص و خلال شهرين كانت بتزن علي الطلاق و بعدها اكتشفت خيانتها و انها كانت بتنزل تروح نادي مساج تشتغل و تقولي رايحه لاختي و فضلت ورايا لحد مدفعتني كل حاجه و خسرتني شغل و كسرت جوايا حاجات كتير لانها كانت واخداني مصلحه من الاخر و انا بعد سنه من الموضوع دا قومت علي رجلي تاني العيشه كشخص مستقل لوحده صعبه اوي بجد ، و معظم البنات دلوقتي بتلعب باللي قدامها و بس حد عندو فكره ازاي اللاقي واحده بنت حلال تكون عايزه تعيش فعلا ، انا شغلي معظمو اونلاين و عندي طموح عالي عايز حد يدعمني و يجاريني اللاقيه فين بس

قصة منال مع خيانة جوزها والطلاق النهائي - عبرة قوية

بما إن اغلب الآراء كانت استوري تايم فيها عيرة فاستوري تايم بس مش بتتكلم عني بل عن حد مقرب مني وخلينا نقول إن إسم الشخصية دي منال مثلا و الاستوري فيها عبر كتير اوي هنرجع12 سنة لي وراء وقت ما اتجوزت منال عن حب واكتشفت بعد الجواز أن جوزها كان لي علاقات سابقة كتير واكتشفت خيانتو اكتر من مره و علاقتو بالستات دي مكانتيش مجرد كلام وغزل بل هدايا وكان بيصرف عليهم كمان مابين كان بيمثل علي منال انو مش معاه فلوس وشغلو مش احسن حاجة لدرجة إنو طلب منها تبيع دهبها وطبعا عملت كده استمرت خيانتو أول تالت سنين من جوزهم ومقدرتش تسكت و واجهتو و رمي يمين الطلاق وهي راحت عند أهلها و حكت كل حاجة كانت منال واقتها معاها ولد صغير و حاول جوزها يرجعها وبعد كلام كتير بينو وبين أهلها اختارت ترجع عاشت منال وجوزها تالت سنين زي الفل وجابوا ولد تاني لحد ما شغل جوزها مبقاش أحسن حاجة لانو كان بيشتغل في السياحة فمنال طلبت تنزل شغل وهو رفض وكانوا أهل جوزها بيساعدها لحد بعد سنه من الازمه دي جوزها شاف شغل تآني وكان كويس اوي اشتغل في الشغل ده سنه وبعدها اتطرد بتهمة سرقة فضل جوزها سنه من غير شغل والمفاجأة إن منال كانت حامل في الولد التالت فضطرت تقول لاهلها وزي اي أهل حبو المراكب تمشي وبيقيو هما كمان بيصرفوا عليهم لحد ما جوزها لقي شغل محترم اوي فضل فيه سنتين و اوضعهم كانت زي الفل لحد ما جوزها بدأ يتغيب عن الشغل كتير واتطرد منال دورت وراء الموضوع واكتشفت أن جوزها مكانش بيروح الشغل عشان أتعرف علي شلة بيضربوا مخدرات و واجهتو و رمي عليها يمين الطلاق لتاني مره وهي راحت لأهلها وبعد تالت شهور فكر يرجعها وقال بطل مخدرات ولقي شغل تآني رجعت منال واكتشفت بعد رجعوها إنو اشتغل مع شلة اللي بيضرب معاهم بس سكتت المره دي وجيس وات كان بيجيب الشلة دي و بيضربوا في بيتهم !! بس سكتت برضو وبعد كام شهر بقا بيضرب أيس وده نوع واحش قلب معاه بشك في منال وأنها بتخونو وخنقات وضرب كل يوم قدام اولادهم!!! لحد ما شكت لاهلها و واقتها أهلها قرارو انو خلاص لازم تطلق نهائي لانو اتعدي عليها كتير بس منال رفضت الطلاق وفضلت وبعد مده يواجها جوزها بانو رمي اليمين التالت يعني بقيت مطلقة خلاص وانهم الفتره اللي عدت كانوا عيشين سوي وهو مطلقها!! وقالها انو هيمشي ومتطلبش منو مصاريف لانو مش معاه واهلها يصرفوا عليها وده إللي حصل فعلا أهل منال وقفو جمبها وعملولها مشروع وفتحت بيدج اون لاين للحلويات والاكل البيتي وبتصرف علي أولادها التلاته منو وبس دي منال نموذج من نماذج كتير في المجتمع منال لقيت اللي يسندها ويقومها بس في ناس كتير لا فاحسنوا اختياركم عشان متمروش باي حاجة من إللي مرت بيها منال. ...عرض المزيد

6 الدعم

0 نصيحة

جوزي خاني بيكلم وحده.. هل أسمع ناس أو أطلق؟

عندي بنوته جوزي خاني كلم واحده و الموضوع تطاول شوية بس موصلش للخيانه سرير و احنا دي رابع سنه جواز واخدين بعض عن حب من 12 سنه يعتبر انا اول حب. في حياته و هو كمان هو اللي جه حكالي انا كل الموضوع كان شكوك بس لغاية ما سفرنا عمرة لأول مرة سوا وحكالي هناك كل حاجه عشان هو مش ناوي يعمل اي حاجه تاني غلط بعد ما رجعنا من العمرة قعد يقولي الشيطان بيوسوس ليا و في يوم شفتهم سوا بيوصلها و قعد يحلف أنه لسه مركبها و مش عارف هو ركبها ليه بس انا احساسي بيقولي أنه بيكلمها بس كلام عادي و انا خلاص بقيت شاكه طول الوقت و كان الأول فاتح موبايله دلوقتي قفله بيقولي انتي كده هتتعبي و مش هتنسي تنصحوني ب ايه ادافع عن حبي و اسمع كلام الناس اللي بتقولي هاتي بيبي تاني و كبري عيلتك ولا اسيب الدنيا و اتهانق كل شويه لو لقيت اي حاجه و اسئله لأن هو من كتر الشك و الخناقات زهق و قالي أنه بيفكر يطلقني. و ان دي اخر فرصه ...عرض المزيد

7 الدعم

1 نصيحة

اكتشفت اكونت جوزي السري ع الانستجرام.. أعمل إيه؟

جماعة انا محتاجة هنا نصيحة من المتجوزين بس بعد إذنكم.. انا عروسه ماليش 3 شهور اكتشفت من يومين كنت فاتحة موبايل جوزي انستقرام بسكرول فيه اكتشفت انه عامل اكونت فيك و عاملي منو بلوك ومتابع حوالي 400 وشوية ستات بس و كلها اكونتات و حاجات بشعة و مناظر ستات اجانب تقرف قالعين بالمعنى الحرفي يعني و الاكونت كلو مناظر تقرف بجد و بذيئة 💔💔 فهل اصارحو اني اكتشفت الاكونت دا ولا اسكت؟؟ بجد أنا زعلانة اوي لان النقطة دي كلمتو فيها كتير قبل الجوار على حوار انو متابع ستات كتير اجانب و كل محتواهم جسمهم بس و كان وعدني إنو مش هيعمل فلو لحد تاني و حتى عمل اكونت جديد وقتها وتابع ناس معينة وكدا بس اتصدمت انو عمل الاكونت دا الفترة دي بعد جوازنا 💔💔 رغم إني والله مش مقصرة في حقو نهائي ومش عارفه بجد بيعمل كدا ليه انا مخنوقة جدا و تعبانة نفسيا ارجوكم حد يقولي أعمل ايه 💔 ...عرض المزيد

6 الدعم

11 نصيحة