السلام عليكم كان عندي صاحبه من تانيه ابتدائي وفضلنا اصحاب لحد تالته اعدادي ما بقتش اكلمها لانها كانت مش بتحكي لي حاجه وكانت بتحكي لاصحابي التانيين حاجات وابتدت ان هي تنزل صور معاهم هم بس واعرف حاجات عنها من بره فحسيت ان انا اتضايقت قوي وبعدت وفي الفتره دي اللي بعدت فيها حصل مشاكل في الشله عموما وكتير اتخاصموا وانا ساعتها كنت بعدت عنها خالص وانها برده كانت بتكلم ولاد وانا مش بحب اصاحب حد كده ونصحتها كثير بس فضلت تكلم الولد وقالت لي ان مامتها عارفه ومامته عارفه ويعتبر يعني مخطوبين بس طلع ان مامته مش عارفه ولا حاجه وكانت بتكذب عليا كل ده والكل عارف ما عدا انا مع اني المفروض كنت اقرب حد ليها فمع كل العك اللي حصل ده قطعت علاقتي بيها ما بقيناش صحاب خالص بعدها جات لي البيت واعتذرت لي بس للاسف اعتذرت بكذبه وساعتها ما قدرتش اتقبلها ولا ارجعها في حياتي تاني ودلوقتي حاسه بشويه ندم مش معنى اني بقول كده اني عايزاها ترجع في حياتي تاني بس عايزه ما نكونش قاطعين خالص يعني عادي يكون بينا سلام علشان احنا لما بنمشي ونشوف بعض ما بنسلمش على بعض حتى بعد ما جت عندي البيت عايزه احسن العلاقه واخلي في بيننا سلام للمعلوميه هي لما بتشوف الستوريهات بتاعتي مش بتعمل لايك عليها فأنا بفكر مثلا لما انزل ستوري وما تعملش لايك اقول لها مش بتعملي لايك ليه يا بنتي واضحك يعني الطف الدنيا وده هيخلي في بيننا سلام على الاقل لاني مش حابه اكون في شخص في حياتي قاطعة علاقتي بيه خالص مع انها جت تصالحني اصلا فقولولي افكار ازاي الطف معاها بس من غير ما ادخل في عتاب او نقاش عايزه تبقى علاقه سطحية بس الطف الدنيا ياريت تقولي أفكار

2

3